Þorsteinn Helgi Steinarsson skrifar um

Gangverk svindlsins

Markaðsmisnotkun falskaupmanna gengur út á að ráðskast með mat á eignum (gangvirðið sbr. lög 3/2006 um ársreikninga). Þetta er hreint svindl (ólöglegt) framkvæmt á máta sem lítur út fyrir að vera löglegur þar sem miðað er við svokallað markaðsverð og endurskoðendur og bankar kvitta upp á.  

Viðskipti með hlutabréf (eða fasteignir eða kvóta) eiga sér stað á einhverju gengi sem tekið er sem markaðsvirði sem er lagt til grundvallar sem gangvirði í efnahagsreikningi (ef aðilar eru skyldir þá verður að meta gangvirðið með öðrum aðferðum).

Svindlkerfið er svona:

1. Leynt eignarhald falskaupmanns til að blekkja utanaðkomandi (og veita endurskoðendum skálkaskjól) sem eru látnir halda að um óskylda aðila sé að ræða
2. Ofmat á eignum byggt á meintu markaðsvirði (sem er tilkomið vegna eigin viðskipta eigenda) sem svo er tekið sem gangvirði á eignum á efnahagsreikningi
3. Endurskoðendur samþykkja (eða ákveða) matið (þ.e.a.s. nota markaðsverð sem viðmið fyrir gangvirði) þótt það sé ekki rétt þar sem um skylda aðila var að ræða
4. Bankar taka matið gilt sem gangvirði og veita lán gegn veði í viðkomandi eign
5. Bankar bera tapið sem er falið í bókhaldi eða fara á hausinn þegar upp kemst að eignirnar voru ofmetnar. Lítið fæst upp í kröfur enda efnahagsreikningur og hagnaður ýktur og innistæðulaus.

Þetta hefur ekkert með galla markaðshagkerfis að gera. Þetta hefur allt með markaðsmisnotkun að gera. Eftirlitsaðilar (endurskoðendur, bankar og FME brugðust) og löggjöfin (sem er alþjóðleg) er of slöpp. Verja þarf markaðshagkerfið betur fyrir svona svindli

Athugasemdir

[Arinbjörn Kúld, 29.1.2009 kl. 00:27]

Misnotkun á frelsinu - því dýrmætasta sem okkur er gefið.

[Sóldís Fjóla Karlsdóttir, 30.1.2009 kl. 16:57]

Ég bara græt....það er það eina sem hægt er að gera í stöðunni.  Eða hvað?????????????

[Kolbrún Baldursdóttir, 31.1.2009 kl. 20:30]

Margir brugðust. Seint á maður eftir að fá botn í þetta allt saman. Enn er þetta bara svo ótrúlegt og eitthvað svo mikið endalaust rugl. En tækifærin voru þarna fyrir þá sem vildu misnota allt og alla til að næra sína eigin græðgi. Vona bara að sannleikurinn komi í ljós þótt síðar eða seint verði.

Svo er það samviskan, skyldi hún ekki lúra þarna einhversstaðar?

[Páll A. Þorgeirsson (IP-tala skráð) 1.2.2009 kl. 15:22]

Ef "gallað markaðshagkerfi" kemst í hendur "siðspilltra fjármálamanna" hljóta þeir að nýta sér galla þess út í ystu æsar, annað væri "lítilsvirðing" við "stétt" siðspilltra.

Þeir sem  samþykktu "leikreglur" og bera ábyrgð á þeim eru fyrst og fremst þingmenn.  Þegar "sofandaháttur" þeirra, eða kannski "siðspilling" er jafn mikil og við höfum orðið vitni að, bæði "varðandi uppbyggingu kerfisins" og "í eftirliti með því", þá ber þeim að víkja.  Það á ekki síður við um embættismenn, endurskoðendur, o.fl.  Ef þeir axla ekki þessa "ábyrgð", þá eru þeir búnir að staðfesta að þeir tilheyri "stétt" siðspilltra.

Ekkert "markaðskerfi er svo fullkomið" að "siðspilltir" reyni ekki að nýta sér "glufur þess" og það höfum við svo sannarlega þurft að upplifa á Íslandi.

Hvernig stendur á því að "siðspilltir menn" komast til áhrifa og valda á Íslandi, er það vegna þess að "Flokkurinn" kemur til valda "þannig fólki" og við höfum lítið val um annað ?  Getur verið að í "innsta kjarna Flokksins" séu "þeir siðspilltustu", menn sem leika sér með hið svokallaða "lýðræði" þeim sjálfum til "ágóða" ?

Mér finnst ég spyrja eins og kjáni . "Ég held að flestir viti svarið", en ef svo er ekki, þá ættu þeir að kynna sér "ástand þjóðfélagsins".