Upp upp mín sál

Ég átti orðið erfitt með að sitja kyrr undir lok tónleikanna í kvöld, sem voru eins og dóttir mín myndi segja „geðveikir, eða gett góðir“  Til að byrja með Tommi R með frábært stórband skipað toppmönnum ... æðileg grúppa og flottar tónsmíðar. Allt ætlaði af göflunum að ganga eftir hvert lag. Mér varð á að hugsa að trúlega væri ekki neitt auðhlaupaverk að taka við af þessu súperbandi en áhyggjur mínar hurfu við fyrsta tón hjá tríói Hilario Duran. Æ ég held ég láti bara vera að segja meira, það yrði of langt  ... en mikið vildi ég að þið hefðuð verið með mér í kvöld og upplifað galdurinn. En bara næsta ár. Ég lofa ennþá meiri veisluhöldum, slæ ekki af, gef ekkert eftir og hætti ekki fyrr en þið leggið á hestana og ríðið norður. Þið getið sungið á leiðinni „aldrei ætlaði ég norður “ 

Athugasemdir

[Blekpenni (IP-tala skráð) 2.6.2007 kl. 03:18]

Það er ekki oft sem ég sakna Íslands en í kvöld fékk ég heimþrá. Takk fyrir skrifin.

[Rúna Guðfinnsdóttir, 2.6.2007 kl. 09:11]

Tómas R er  stórkostlegur tónlistarmaður og ég efa ekki að hann hafi verið góður eins og hans er von og vísa. Enn öfunda ég þig. Kannski bara næst..eins og þú segir. 

[Jens Sigurjónsson, 2.6.2007 kl. 15:45]

Ég skal trúa því að þetta haf verið magnað. Þetta eru snillingar.

[Karl Tómasson, 2.6.2007 kl. 16:46]

Sæll Pálmi minn.

Ég veit að þetta tengist ekkert þessari fínu bloggfærslu þinni en endilega gerðu mér þann greiða að kíkja á síðuna mína og leggja orð í belg um smá getraun sem ég er með á henni.

Ég er að lenda í bullandi vandræðum vegna getraunarinnar.

Kær kveðja frá Kalla Tomm úr Kvosinni kyrrlátu.

[Ásgeir Rúnar Helgason, 2.6.2007 kl. 16:54]

Ég hef ekki hugmynd um hvað það er sem þú ert að lýsa. Hvaða band er Tómas nú með, er það þetta Hilaro Duran?

Sorrý, einn voða utangátta:

[Pálmi Gunnarsson, 2.6.2007 kl. 16:58]

Ásgeir minn utangáttar ... kíktu á  www.aimfestival.is   og þú verður innangátta.

[Ásgeir Rúnar Helgason, 2.6.2007 kl. 20:43]

OK,

tack så mycket:

[Ester Sveinbjarnardóttir, 3.6.2007 kl. 01:34]

Alltaf fjör í messum

[Steingrímur Helgason, 4.6.2007 kl. 01:16]

Ég er á því sem foreldri að maður eigi að setja ofan í við börnin sín þegar þau nota íslenskuna í það að segja að eitthvað sé 'geðveikt' eitthvað, eða 'gekt fatlað'  Í því felst nefnilega vanvirðíng við veikt fólk, & ekki viljum við nú innræta úngunum okkar svoleiðis ?

S.

[Pálmi Gunnarsson, 4.6.2007 kl. 12:14]

Steingrímur minn - ég hef reynt það veit guð en það er sko puð að breyta tískuorðum ... annars fær þessi elska svo hátt í íslensku og talar svo fallegt mál allajafna, að ég á erfitt um vik ...