Lygn streymir Don

Ég hef verið að raða hafurtaski mínu oní tösku. Ekki auðhlaupaverk fyrir mann sem er allsendis óvanur því að raða mikið þegar sett er í töskur. Að þessu sinni er ekki boðið uppá annað en reglu á hlutunum, þvi 20 kíló er það sem ég má hafa með mér annars þarf ég að fara að borga og lendi trúlega í allskonar me -he- i, sem er ekki gaman þegar fara þarf um nokkrar flugstöðvar. Þið verðið sem sagt án röflsins í mér í nokkurn tíma þar sem ég er að fara að hitta Jóakim frænda og nokkra Kósakka norður við ballarhaf. Nánar tiltekið kem ég til með að búa í veiðihúsi við ána Ryndu á Kólaskaga næstu viku. Ferðin leggst vel í mig enda ekki á hverjum degi sem fátækur námsmaður fer að veiða í Rússlandi en það skal tekið fram að Jóakim frændi blæðir og ætlar að hitta mig í Murmansk, þaðan sem við fljúgum í þyrlum inná skagann. Hann segist koma með einkaþotu en ég er ekki alveg viss. Kallinn er á grenjandi túr og þá fer hann ekkert nema rétt undan sólhlífinni til að pissa og ná sér í áfyllingu. Ég hlakka mikið til að veiða árnar þrjár, Kharlovku, Litzu og Ryndu og ekki síður að hitta Peter Power, skotann sem hefur haldið utan um árnar eins og sjáaldur augna sinna. Ég kem aftur heim 5 ágúst ef ég slepp frá Bangsímon sem sagt er að andi af og til oní hálsmál veiðimanna og láti glitta í tennur og klær. Hafið það gott og hugsið með hlýhug til fólksins sem berst við ofurefli á Þjórsárbökkum. Ég hugsa hlýlega til ykkar allra.

Athugasemdir

[Kristján Kristjánsson, 25.7.2007 kl. 21:54]

Góða ferð Pálmi. Hljómar sem eðalferð

[Gunnar Helgi Eysteinsson, 25.7.2007 kl. 21:56]

Góða ferð Pálmi og þið hinir: Smellið á Jóakim og skrifið athugasemdir! Gaman að fylgjast með umræðunum.

[Gunnar Helgi Eysteinsson, 25.7.2007 kl. 21:58]

Smellið hér í staðinn  (Þetta er smá skammarlegt)

[Georg Eiður Arnarson, 25.7.2007 kl. 22:43]

Góða veiði.

[Ólafur Ragnarsson, 25.7.2007 kl. 23:10]

Bið að heilsa á Sjómannaheimilið í Múrmansk.Forstöðukonan þar fór eitt sinn með mig til að skoða bjórverksmiðju.Fjandinn hafi það,þeir komu með bjórinn í fötum.En þá var ég hættur að drekka

[Frosti Logason (IP-tala skráð) 26.7.2007 kl. 00:56]

Passaðu þig nú á medvedi í skóginum, Pálmi minn! Do svidanja! Masha i medvedi (María og skógarbirnirnir) gerðu lagið "Reykjavík" vinsælt í Rússlandi fyrir nokkrum árum. Fínt lag og texti.

[Pálmi Gunnarsson, 26.7.2007 kl. 11:28]

Takk fyrir kveðjurnar, fötur af bjór, hefði passað fyrir 15 árum  - Frosti hvar get ég heyrt lagið með Masha i medvedi  

[Jóna Á. Gísladóttir, 26.7.2007 kl. 18:55]

hljómar ótrúlega spennandi þessi ferð Pálmi. hafðu það virkilega gott og njóttu vel. Þið hjónin allt að því mætist í dyrunum

[Halla Rut , 27.7.2007 kl. 22:29]

Góða ferð og passaður þig á bangsa.

[Hugarfluga, 27.7.2007 kl. 23:20]

Hlýjar hugsanir á móti. Njóttu vel og komdu heill heim!

[Gunnlaugur Halldór Halldórsson, 6.8.2007 kl. 22:25]

Ég bið að helsa Jóakim frænda hehehehehe

[Maggý Jónsdóttir (IP-tala skráð) 8.8.2007 kl. 12:21]

Takk fyrir addið...Ég rakst á síðuna hjá þér og gamlar minningar rifjuðust upp..hehehe...Ég kom einu sinni í gamla daga að taka viðtal við þig í stúdioinu í haf, fyrir tónmentar tima ásamt vinkonu minni...Voða gaman og bara svona svo að þú fáir að vita að ég fékk góða einkun fyrir viðtalið...

Takk kjærlega

Kveðja Þórunn Maggy ( barnabarn Magga Guðjónssonar prentara...)