Menningarnæturstíll

Þegar ég geng á milli RÚV merktra trukkanna sé ég hvar hann stendur til hliðar við stigann sem liggur uppá sviðið og reykir sígarettu, næstur á svið. Ég geng til hans og heilsa. Góðlátlegt rúnum rist andlitið brosir við mér, hann segist vera góður. Þegar mér hlotnaðist sá heiður fyrir mörgum árum að fá að vinna með Magnúsi Þór kynntist ég einstökum gæðadreng, snillingi orða og tóna. Þegar ég horfi á hann fara á svið með hljómsveitinni sinni og heyri þjóðina heilsa honum með viðeigandi hætti og þeirri virðingu sem honum ber, veit ég að þetta verður gott kvöld.

Athugasemdir

[Einar Bragi Bragason., 21.8.2007 kl. 00:51]

Þið voruð flottir

[Einar Bragi Bragason., 21.8.2007 kl. 00:52]

vantaði bara sax he he

[Jón Steinar Ragnarsson, 21.8.2007 kl. 03:24]

Kallinn er orðin íkon í menningarsögu þjóðarinnar. Eitthvað, sem menn ná sjaldan ef nokkurntíman í lifandi lífi.  Ég hef verið massívur aðdáandi frá fyrstu dögum og las meira að segja menntaskólaljóðin hans, sem voru gefin út fjölrituð í A4 broti.  Tónlistin hans kemur frá dýpstu hjartans rótum og á sér samhljóm í minni sál sem margra annara en krafturinn felst í yndislega kaldhæðnum og sönnum kveðskap, sem skapar magnaðar andstæður við ljúfsára lagasmíðina. Megi fleiri gera hann að fyrirmynd í því.

[Anna (IP-tala skráð) 21.8.2007 kl. 11:15]

Megas er alltaf áhugaverður.

Þið voruð frábærir - takk kærlega fyrir afar skemmtilega og vel heppnaða tónleika :-)  Við fórum á flugeldasýninguna með bros á vörum :-)

[Marta B Helgadóttir, 21.8.2007 kl. 12:13]

Falleg færsla.  Ég er einlægur aðdáandi Megasar og ekki síður Mannakorna. Takk fyrir frábæra tónleika  

[Pálmi Gunnarsson, 21.8.2007 kl. 16:00]

takk fyrir innlitið og hlý orð

[Jens Guð, 21.8.2007 kl. 21:49]

  Það er afskaplega gaman að sjá og heyra hvað kallinn vex að virðingu með árunum.  Ekki síst meðal ungs fólks.  Sem mælist til að mynda í því að í fyrra komu út tvær "Megas tribute" plötur.  Sú þriðja var gefin út fyrir nokkrum árum.

  Lög hans eru líka "coveruð" utan "tribute" platna af allt frá pönksveitinni Purrknum og trúbadúrunum Heru og Ólöfu Arnalds til Bjögga Halldórs.   

[Ásdís Sigurðardóttir, 21.8.2007 kl. 21:58]

Flottur kallinn, þið eldist vel þessir bestu. Gaman hvað fólk á öllum aldri er að fíla Megas.

[Jóna Á. Gísladóttir, 21.8.2007 kl. 22:29]

Falleg færsla Pálmi

[Ævar Rafn Kjartansson, 22.8.2007 kl. 00:01]

Missti af ykkur vegna of margra tónleika um alla borg. En hef bara heyrt gott af ykkur. Hefði viljað heyra Ellen með ykkur. Vann fyrir Megas og Súkkat fyrir skömmu vegna sameiginlegs geisladisks og það kom tvennt mér á óvart með hann. Annars vegar hversu nákvæmur hann var með textagerðina og frágang og hins vegar þessi frábæri húmor sem hann sindrar af. Það er eins með hann og Dylon, ég er svo seinþroska að ég er loksins núna að skilja.

[Heiða B. Heiðars, 22.8.2007 kl. 10:23]

Hann er eina "celebið" sem ég hef ekki getað stillt mig um að stoppa úti á götu og þakka auðmjúklega fyrir mig

[Bryndís Halldóra Jónsdóttir, 23.8.2007 kl. 19:46]

Það voru 2 ástæður fyrir því að ég fór á Klambratúnið á Menningarnótt.

1: Megas og félagar

2: Mannakorn

Með fullri virðingu fyrir öllum hinum góðu tónlistarmönnum sem spiluðu á þessum tónleikum, þá voru það þessir aðilar sem seiddu mig á túnið það kvöldið.

Ekki þarf að spyrja að frammistöðu beggja hljómsveita. STÓRKOSTLEG!!!

Ég skemmti mér konunglega, enda mínir "uppáhalds" tónlistarmenn þar á ferð. Og þegar lagið mitt...Reyndu aftur.. var spilað, var toppnum náð. Bara dásamlegt !!!  Það var sæl kona sem rölti heim á leið það kvöldið.

Pálmi...

Takk fyrir stórkostlega tónleika á Menningarnótt  

[Linda Linnet Hilmarsdóttir (IP-tala skráð) 3.9.2007 kl. 21:40]

Sæll vertu,kallinn minn,jú ég verd ad taka undir þad ad,meistari Megas er snillingur og gódur tónlistarmadur,og med skemmtilegan húmor,og þetta kvöld var yndisleg,stór og gód tónlistarveisla,og alltaf er jú jafngaman ad sjá ykkur,vinina tvo ad spila ykkar fallegu tónlist,og nutum vid okkur vel,ég med allar mínar 5,dætur,sem sungu med í hástöfum og höfdu gaman af,takk fyrir okkur vinur.Ástarkvedja frá mér og mínum.þú ert yndislegur.kvedja.Linda Linnet