Djöfullinn hirði þig andskotinn þinn!!! ...

... var orðatiltæki okkar strákanna á Vopnafirði ef við urðum undir í slagsmálum eða þurftum að koma einhverju almennilega til skila í blússandi reiði.

Þessi uppskrúfaði strákafrasi kom upp í kollinn á mér á örskotsstund þegar ég heyrði um kæru Héraðsbúans á hendur Ómari Ragnarssyni, þar sem kært var fyrir náttúruspjöll. Reyndar trúi ég að kærandanum sé ekki sjálfrátt og að málið eigi eftir að fara þangað sem það á heima - á haugana. 

Ómar er talsmaður náttúrunnar og stendur fyrir heilbrigðan málstað með heiðarlegum hætti. Jafnvel hans hörðustu pólitísku andstæðingum dettur ekki í hug að efast um það.  

Athugasemdir

[Guðrún Magnea Helgadóttir, 10.5.2007 kl. 16:07]

Er kæran ekki sokkin í Hálslóninu?

[Ásdís Sigurðardóttir, 10.5.2007 kl. 17:49]

Þetta er náttl. bara fáránleg kæra, eitthvað staðið illa í bólið hjá honum. En mikið andskoti er þetta gott blót hjá þér, minnir mig a mína Húsvísku.

[Rúna Guðfinnsdóttir, 10.5.2007 kl. 17:53]

Já, þetta er bara fíflalegt.

Í sambandi við blótið þá sagði pabbi mér stundum sögu af því þegar bónda einum blöskraði yfirgangur nágrannans og sagði þá við hann:"Helvítis andskotans ára djöfulinn þinn" 

[Katrín Snæhólm Baldursdóttir, 10.5.2007 kl. 18:35]

Já Pálmi...svona eru til miklir fávitar..menn sem vita fátt og fara fátt nema í ergelsi. Sjá ekki hvað er hvað og fá svo allt í hausinn sjálfir..eins og þessi krumpaði kærandi fær núna. Ég elska Ómar af því að ég dái fólk sem þorir og stendur með hugsjón sinni alla leið. Ómar hefur líka alltaf verið skemmtilegur hluti af lífinu mínu síðan ég hlustaði á fyrstu vínilplötuna mína fjögurra ára..Ég bara stend með honum og fyrir hvað hann stendur. Andskotans asni sá sem kærði...það er nú hressandi að blóta þegar manni misbýður..hehe.

[HP Foss, 10.5.2007 kl. 20:32]

Voðalega er þetta eitthvað mikill munnsöfnuður hjá ykkur. Afi minn var vanur að segja við fólk sem talaði svona: Það er ekki fallegt að tala svona um fólk. Hann var maður sem sagði fátt en það sem hann sagði reyndist rétt.

Takið ykkur taki, maður skrifar ekki svona um aðra.

Kv
Helgi Páls.

[Ester Sveinbjarnardóttir, 10.5.2007 kl. 21:21]

Þetta hefur áhrif á fólk þegar komið er í kjörklefann, eða hvað?

[Ævar Rafn Kjartansson, 10.5.2007 kl. 21:25]

Það góða við þetta er að allir kjósendur sem eru ekki gersamlega skini skroppnir sjá í gegnum þetta örvæntingaróp Framsóknar og gott ef hann fær ekki meiri stuðning fyrir vikið.

Ætla að stelast til að setja kommentið mitt um þetta hér: 

Landsvirkjun eyðir sönnunargögnum! 

Í kjölfar kæru á hendur Ómari Ragnarssyni fyrir að hafa smíðað sér flugvöll við Kárahnjúka gleymist að við rannsókn þessa máls sem gæti tekið töluverðan tíma er stór hætta á því að Landsvirkjun verði sek um að spilla eða eyða sönnunargögnum sem gætu stuðlað að því að fá Ómar Ragnarsson dæmdan sem umhverfishryðjuverkamann.

Því er það mín krafa sem unnanda réttlætis og réttarkerfisins íslenska að tappinn verði tekinn úr Kárahnjúkavirkjun þannig að umræddur flugvöllur fari ekki undir vatn og spilli þannig rannsókn málsins.

Réttast væri að farið yrði fram á lögbann á þessum gerðum meðan rannsókn stendur yfir!

Það hlýtur að vera skýlaus krafa að Landsvirkjun stöðvi strax frekari rennsli í Hálslón meðan þetta mál velkist í réttarkerfinu. Að öðrum kosti er ljóst að Landsvirkjun verður sek um að spilla sönnunargögnum og hafa áhrif á störf íslenska dómskerfisins.

[Árni Gunnarsson, 10.5.2007 kl. 22:21]

Ég mun ekki greiða framboði Ómars mitt atkvæði en það er önnur saga. En ég tek undir ágæta tillögu Ævars Rafns. Og að síðustu: Svona bara gerir maður ekki þegar maður eins og Ómar á í hlut. Hann er nefnilega einn af landvættum þessarar þjóðar og mikilvægastur þeirra allra. 

[Pálmi Gunnarsson, 10.5.2007 kl. 22:45]

Helgi Skaftfellingur - ég var alinn upp af móður sem þuldi nokkrar maríur þegar mér varð á að missa mig í djöfulskap. Ekki batnaði það ef vinkona hennar úr hvítasunnusöfnuðinu var nálægt. Þá fékk ég yfirhalningu sem gerði það að verkum að ég opnaði ekki á mér kjaftinn lengi á eftir. Stóru stákarnir sem níddust á okkur smápeðunum settu hinsvegar sjálfvirkan sleppiútbúnað á hel. dj. ands. af stað og engar maríur eða vítisvarnir hefðu stöðvað blótsyrðin sem stundum voru það eina sem við áttu þegar við ofurefli var að etja. En vita máttu að ég hef löngu fyrirgefið héraðsbúanum sem gæti allt eins verið náfrændi minn. Svo í lokin læt ég fylgja nokkuð algengan frasa frá Akureyri sem notaður er ef vinur er ekki alveg að meika sens eða hefur sagt eitthvað skemmtilegt. „Djöfulsins, bölvaður, hálviti getur þú verið vinur“

[Sigfús Sigurþórsson., 10.5.2007 kl. 23:23]

Maður fer bara hjá sér vegna talsmáta virtra og óvirtra manna.

[Kristján Pétursson, 10.5.2007 kl. 23:29]

Tek undir með þér,að þessi kæra á hendur Ómari Ragnarssyni,er ein sú heimskulegasta,sem ég hef heyrt árum saman.Litlar vélar þ.m.sjúkravélar og rannsóknaraðilar hafa í gegnum árin lent á ýsmum stöðum á hálendinu.

[Geir Harðarson, 11.5.2007 kl. 15:12]

Mér þykir það úti í hött að men geti búið sér til flugvöl eða vegslóða hvort  það sé á hálendinu eða annar staðar nema að men hafi öll tilskilin leifi.

Í Ómar tilfeli vildi ég gjarnan horfa framhjá því en er hræddur um það fordæmi sem kann að hljótast að því!

[Hafsteinn Viðar Ásgeirsson, 12.5.2007 kl. 17:08]

Geir, endilega leitaðu þér hjálpar, elsku kallinn, það er til við þessu....