Létt spor

Vaknaði í morgun klár og hress og undirbjó hin þungu spor. Malaði Súmötrubaunir af betri gerðinni og hlustaði á unglinginn minn æfa Tunglskinsónötuna eftir Beethoven. Á forsíðu Moggans blasti við angistarfyrirsögn ritstjórnar. Eftir að hafa lesið leiðarana og Staksteinana undanfarna mánuði er ég viss um að það myndi framkalla léttvægt hjartaáfall hjá aðalritstjóranum ef maður læddist upp að hlið hans á förnum vegi og hvíslaði nafn Ingibjargar Sólrúnar í eyra hans. Ég trúi varla að þessi ógnarnoja ritsjórans geti verið Sjálfstæðimönnum þóknanleg en það er nú annað mál og kemur mér ekkert við. Eftir lestur lítt uppbyggilegs blaðafóðurs, sneri ég mér alfarið að því að hlusta á unglinginn minn sem ég er meira en lítið montinn af. Þessi klára stelpa, er árinu á undan í menntaskóla, er á kafi í píanónámi, stundar Taikwondo bardagaíþróttina svo fátt eitt sé nefnt. Það er hún sem erfa mun landið ásamt systkinum sínum, spurningin er hvernig það land verður. 

Þegar ég settist niður í kjörklefanum skömmu síðar voru það krakkarnir mínir sem voru mér efst í huga og hin þungu spor voru ekki lengur þung.

Nú er ég á annarri Súmötru, búinn að pakka mér niður fyrir suðurferð og hlakka mikið til að hitta eldri dótturina sem stundar nám við HÍ. Stóra strákinn minn get ég ekki hitt þetta skiptið því að hann er floginn til Írlands á vit ævintýra sem ekki verða upplýst í bili. Og svo er það stefnumótið við Júródeildina á NASA sem ég vildi ekki missa af fyrir nokkurn mun.

Athugasemdir

[Ásdís Sigurðardóttir, 12.5.2007 kl. 13:31]

Eigðu góðan júródag. Það ryfjast oft upp fyrir mér gamla lagið þitt, "Ástin er eins og sinueldur ástin er segulstál" það mætti heyrast oftar ekki satt?? Kveðja 

[Pálmi Gunnarsson, 12.5.2007 kl. 13:35]

Sömuleiðis alla daga ...

[Jóna Á. Gísladóttir, 12.5.2007 kl. 14:02]

Ekkert er betra en horfa á börnin sín með stolti og fullvissan um að þau eru gott fólk. Eigðu góðan dag Pálmi. Bretinn (Nick) biður að heilsa.

[Ævar Rafn Kjartansson, 12.5.2007 kl. 14:12]

Já góða skemmtun í kvöld ég ætla að tromma úr mér evróvisjón og framsóknarhrollinn á skaganum með góðum félögum

[Hrannar Baldursson, 12.5.2007 kl. 19:26]

Fókusinn hjá þér í kjörklefanum, á börnin og framtíðina sem bíður þeirra og er okkar að skapa, er einmitt sá sami og ég hef í huga þegar ég merki X-ið í rétta reitinn.

[Rúna Guðfinnsdóttir, 12.5.2007 kl. 20:50]

Góða skemmtun með Páli á Nasa . Ég þykist hafa kosið með börnin mín í huga.  Ég vona svo sannarlega að hafa kosið rétt.

[Hugarfluga, 12.5.2007 kl. 22:42]

Ohhh Pálmi ... ég fæ alveg fiðring þegar ég heyri brot úr Mannakornalögum. Get svo svarið það ... svarið það!

[Katrín Snæhólm Baldursdóttir, 13.5.2007 kl. 08:59]

Mannakorn fer reglulega undir geislann hérna hinu megin við hafið...tekur mann heim á örskotsstundu og alla leið aftur á sokkabandsárin. Er ekki annars talað um sokkabandsárin þegar maður var að dandalast svona fyrstu skrefin með sínum heittelskaða??? Já gömlu góðu mannakornslögin....

[Steinunn Helga Sigurðardóttir, 13.5.2007 kl. 10:47]

góða ferð suður, aldrei fór ég suður, var það ekki einhver teksti í gamla dag.

tek undir með kartínu, með mannakorn, og fl gott

ljós frá sólríku dk

steina 

[Heiða Þórðar, 13.5.2007 kl. 14:04]

Til hamingju með dóttir þína og þann fallega mann sem þú hefur augljóslega að geyma

[Ester Sveinbjarnardóttir, 15.5.2007 kl. 07:31]

Góða ferð.