Þotuþreyttir fá lausn sinna mála með reisn

Þegar ég las fréttina sá ég fyrir mér fulla flugvél af fólki á Viagra ... og skömmu síðar sá ég fyrir mér ástandið í hamstrabúrinu. Síðan fór ég að hugsa - hvernig í ósköpunum duttu Argentínarnir niður á þessa lausn á þotuþreytuvandanum. Eftilvill hefur prófessor úr Þjóðarháskólanum með riserfiðleika verið á leið með flugi til elskunnar sinnar og úðað í sig Viagra fyrir flug. Er ekki möguleiki á að Viagra geti virkað á fleiri vandamál.

Viagra kann að nýtast gegn þotuþreytu

Athugasemdir

[Jóna Á. Gísladóttir, 21.5.2007 kl. 23:51]

 Ég er bara svo ''standandi'' hissa á því hvernig vísindamönnum kemur til hugar að gera allar þessar rannsóknir. Líklega eru einhverjar tilviljanir eins og þú nefnir þarna sem hafa eitthvað að segja. Annars finnst mér líklegra að hann hafi séð álitlega flugfreyju í fluginu og ákveðið að gera eitthvað í málinu.

[Rúna Guðfinnsdóttir, 22.5.2007 kl. 12:01]

 Sem betur fer er margt skondið sem gerist í veröldinni, eitthvað sem maður getur brosað að. Nóg er af hinu.

[Ásdís Sigurðardóttir, 22.5.2007 kl. 14:58]

 Ég veit um mann sem tekur malaríu lyf við útbrotum og konu sem er á sama lyfi við gigt.  það er margt skrítið í lyfjabókinni

[Jens Sigurjónsson, 22.5.2007 kl. 22:57]

Það væri hægt að gera smá breytingu í Hávamálum

Ljúfur verður leiður, ef lengi situr, ef hann fær Viagra.

[Ævar Rafn Kjartansson, 22.5.2007 kl. 23:02]

Viagra var víst fundið upp sem lyf við einhverjum öðrum sjúkdómi og þegar átti að afturkalla það vegna lélegrar virkni á því sviði kom á óvart að menn neituðu að skila lyfinu. Þannig komst "reisulegri" virkni þess í ljós. Kannski Viagra verði innifalin í farseðli á lengri leiðum. Verður þá ekki hægt að kalla langflug langreisu?

[Gunnar Th. Gunnarsson, 22.5.2007 kl. 23:19]

Viagra var hannað sem blóðþrýstingslyf minnir mig og virkni þess "í neðra" uppgötvaðist af tilviljun. Kannski á Ralph Fiennes heiðurinn af þessari uppgötvun. Fór hann ekki hamförum á einhverju langfluginu með flugfreyju á salerninu? Rosa hress þegar hann sté frá borði

[Ester Sveinbjarnardóttir, 23.5.2007 kl. 07:56]

Þetta er bara auglýsingabrella sem allir falla kylliflatir fyrir.

[Steinunn Helga Sigurðardóttir, 23.5.2007 kl. 15:41]

Ljós til þín frá mér

steina

[Ingvar Valgeirsson, 24.5.2007 kl. 11:51]

Jú, bæði geta menn gengið í klúbb þann er við háloftin er kenndur - og mætt svo hressir á áfangastað. Klöppum fyrir læknavísindunum.