FRIÐUR Á JÖRÐ

Ég sé að Jóakim hefur stolist inná bloggið mitt eina ferðina enn og ruglar útí eitt að venju. Hinsvegar erfi ég það ekki við kallinn, hef samúð með honum, einmana sál sem á fáa vini. Mér rennur blóðið til skyldunnar að vera góður við Kimma sem er ágætur inn við beinið þrátt fyrir auraapaveikina sem hrellir hann dag og nótt. 

Í gærmorgun horfði ég og hlustaði á sögulega tónleika Fílharmoníusveitar New Yorkborgar undir stjórn Lorin Maazel, sem haldnir vour í East Pyongyang Grand Theater í Norður Kóreu. Ég sat fastur fyrir framan skjáinn alla tónleikana og átti á köflum erfitt með mig. Þarna fékk ég á silfurfati, þjóðsöngva þjóðanna, þátt úr Lohengrin eftir Wagner, hina stórkostlegu Nýja heims symfóníu Dvoraks, Ameríkumann í París eftir Gershwin, upphaf Candide eftir Leonard Bernstein og sérstaka útgáfu af einu þekktasta þjólagi Norður - Kóreu,  „Ariang“   Tónleikarnir voru í hæsta klassa og  tengslin milli hljómsveitar og áhorfenda tilfinningaþrungin. Þetta er í fyrsta sinn sem Norður - Kórea opnar hlið sín fyrir viðburði sem þessum og eina ferðina enn sannast það fyrir heimsbyggðinni að tónlist er landamæralaus. Þarna fylgdist ég með 2500 prúðbúnum Kóreumönnum ásamt gestum frá USA, hljómsveit skipaða fólki með bandarískt ríkisfang, að uppruna jafn litskrúðugu og blómin í haganum, að njóta tónlistar. Bush og Kim voru víðs fjarri góðu gamni en hefðu báðir haft gott af því að sitja hlið við hlið á fremsta bekk og upplifa tilfinnigaflóðið sem umlukti allt og alla. Tónlist er hafin yfir stríðsbrölt, milliríkjadeilur og annað argaþras sem alltof oft einkennir bullukollana sem stjórna ríkjum heims. Tónleikarnir í Grand Theater í Pyongyang staðfestu það.

Einn af mínum uppáhaldstónlistarmönnum til fjölda ára pakistaninn Nusrat Fateh Ali Khan braut öll landamæri með ótrúlegri snilli sinni og dásamlegum boðskap. Hann boðaði aðalinntak Sufisma sem er eining og bræðralag og var elskaður og dáður hvar sem hann fór.  Ég mun á næstunni stikla á stóru um feril þessa magnaða söngvara og tónskálds og kynna hann fyrir ykkur í tónum og myndum.

 

 

.

Athugasemdir

[Linda Linnet Hilmarsdóttir, 28.2.2008 kl. 00:24]

Takk takk fyrir mig,elsku vinur og bestu kveðjur norður.Ástarkveðja Linda Linnet Hilmarsdóttir.

[Hólmdís Hjartardóttir, 28.2.2008 kl. 02:00]

Þú ert nú alveg frábær.

[Óskar Arnórsson, 28.2.2008 kl. 11:13]

Það verða listamennirnir sem bjarga heiminum. Á því er ekki nokkur vafi. Hef þekkt nokkra frábæra listamenn bæði á Íslandi, Norðurlöndum og Asíu. Hef alltaf vitað að ég sjálfur er algjörlega vangefin miðað við stórkostleika listamannsins. Horfði á þetta með Norður-Kóreu og það verður bara músík og aðrar listir sem bræðir frosnar tilfinningar og hatur sem er bara forheimska og rugl landa á milli. En ég hef einstaklega gaman af JÓAKIM VON ÍSLANDUS því þeir eru nefnilega til í alvörunni. En það er eins gott að tala sem minnst um þá aðila. Ætli maður yrði ekki bara komið fyrir kattarnef ef maður færi að tala í alvöru sem eru til í alvöru..

[Steingrímur Helgason, 29.2.2008 kl. 00:24]

Hér dettur maður inn, í þeirri von að Kimmi frændi sé búinn að skrifa nýja færslu.

Þá er bara Pálmi búinn að yfirtaka bloggið aftur & hótar arabamússíg.

Eins gott að hún sé góð !

[Adda bloggar, 29.2.2008 kl. 01:00]

MySpace Glitters

[Gunnar Helgi Eysteinsson, 1.3.2008 kl. 00:47]

[Alfreð Símonarson, 2.3.2008 kl. 23:24]

Ég vona að ég sé ekki ókurteis ef ég pota hérna aðeins minni nýust færslu um efnarákir yfir Reykjavík. Ég er að reyna að safna sem flestum í þessa umræðu og er öllum það frjálst að bæta við athugasemd ef þið viljið tjá ykkur um þetta ákveðna málefni:

Víða efnarákir yfir Reykjavík, krakkar ekki borða snjóinn!!





Kær kveðja Alli

[landi (IP-tala skráð) 3.3.2008 kl. 23:25]

Já hann Jóakim er nokkð góður að leysa þig svona af þegar þú ert að sinna öðrum málum,spurning hvort þú bjóðir honum ekki bara í veiði í staðinn  

Pálmi nú man ég ekki hvað áin heitir sem er þú ert með á leigu, ( eða ertu ekki meða hana lengur ) hefur ekki verið fín veiði í henni síðustu ár og er vont að fá leyfi í henni,er kannski búið að úthluta ?

Ég biðst afsökunar fyrirfram ef ég er að spyrja á röngum stað.

Kv Jóhannes 

[Jens Guð, 4.3.2008 kl. 01:28]

  Gaman að þú skulir vera opinn fyrir tónlist Nusrat Fateh Ali Khan.  Líka gaman að þú skulir halda inni á tónspilaranum laginu frábæra Göngum yfir brúna.  Ég stend mig oft að því að kíkja hingað inn bara til að hlusta á lagið.  Jú, jú,  ég les líka færslurnar þínar en þegar dagar líða á milli færslna þá laumast ég hér inn til að hlusta á lagið.  Ég fæ ekki leiða á laginu heldur þvert á móti þá hækkar það stöðugt á lista mínum yfir bestu lög íslensku poppsögunnar.  Og textinn á brýnna erindi í áratuganna rás,  hvort sem menn ræða um olíuhreinsunarstöð á Vestfjörðum eða álver við Húsavík eða...

  Frábært lag,  frábær texti,  frábær túlkun/flutningur.   

[Pálmi Gunnarsson, 4.3.2008 kl. 09:51]

takk fyrir innlitið öll ...  Jóhannes sendu mér póst varðandi veiðina, eins getur þú kíkt á vefinn minn www.tiffs.is.  Á svipuðum tíma og ég uppgötvaði litla skrattakollinn og ótugtina Prins sem ég hef haft nett gaman af í gegnum tíðina, var mér gefin diskur með NFAK og trúði varla mínum eigin eyrum. Ég veit ekki hvort þeir sem sáu kvikmyndina Dead man walking átti sig á að tónlistin í þeirri annars ágætu mynd er eftir kappann. NFAK var snillingur sem lætur eftir sig sjóð af magnaðri tónlist með góðum boðskap. Ég var spurður útí það um daginn hvort ég ætlaði ekki að fara að skifta um lag en ég held ég leyfi því að hanga.

[Steinunn Helga Sigurðardóttir, 4.3.2008 kl. 14:44]

það er ekki amalegt með svona afleysingarmann !!!

hlakka til að heyra um þennan mann !!! ætla að fylgjast með skrifunum.

Blessi þig

steina 

[Alfreð Símonarson, 4.3.2008 kl. 15:02]

Hlustið á Haarde pimpa íslandi eins og ódýrari hóru, neðst í færsluni:

Þetta þykir mér sorglegt

[Alfreð Símonarson, 4.3.2008 kl. 15:03]

úps, sorrí, vitlaus gluggi sem ég var að skrifa inn á

en fróðlegt er það þó

Kær kveðja Alli