Nú er hún Gunna á nýjum skónum

Siðustu vikur hafa verið einstaklega upplífgandi og gefandi. Gjafmildi þeirra sem stjórna landinu er svo mikil að maður getur varla fylgst með. Svo er þetta einstaklega spennandi því enginn veit hvað kemur næst, það er eins og hver og einn úr ráðherraliðinu hamist við að toppa hver annan í einskonar Idol keppni í gjafmildi. Eini gallinn er að keppninni linnir eftir hálfan mánuð og síðan líða mörg ár. Mér datt í hug hvort ekki væri hægt að breyta þessu stúpid 4 ára fyrirkomulagi og hafa kosningar einu sinni á ári. 

 

Menningarsamningur fyrir Suðurland undirritaður

Athugasemdir

[Hrannar Baldursson, 3.5.2007 kl. 00:37]

Ég er sammála þér að ráðning til 4 ára passar engan veginn við nútímasamfélag. Stjórnmálin snúast alltof mikið um vinsældir og sérhagsmunamálefni, og alltof lítið um að finna besta fólkið til starfa við að ráðstafa sameiginlegum hag okkar á viturlegan máta.

Góðum vini mínum datt í hug að stjórnmálamenn sem fengju kosningu ættu að vera ráðnir til þriggja mánaða, og eftir þann tíma metið hvort þeir væru að standa sig í vinnunni (að standa við gefin loforð). Ef ekki, þá færi næsta maður á lista í þeirra stöðu.

[Guðrún Þóra Hjaltadóttir, 3.5.2007 kl. 00:38]

Já það væri flott. Þetta hefur líka komið upp í minn huga að hafa þessa atkvæðsölu á eins árs fresti. Þá hefðu þeir svo mikið að gera á milli kosninga við að standa við loforðin að landið yrði sundurgrafið með göngum, og við ættum erfitt með að skilja hvort annað, vegna þess að við hefðum fengið svo mikið að fólki til að hjálpa blessuðum honum Jóni Sigurðssyni, hann segir að fólkið hafi jú komið til að hjálpa honum að laga þjóðabúið. Trúlega værum við líka komin með tunnu upp á þak til að safna rigningarvatninu, því búið væri að kvótagera vatnið eins og fiskinn.

[Katrín Snæhólm Baldursdóttir, 3.5.2007 kl. 08:00]

Saga úr íslenskum veruleika manns sem er búinn að gefast upp á einu besta heilbrigðiskerfi heims. Þetta er bara sláandi. www.gjonsson.blog.is

Maður skilur svo sem að fólk verði örvæntingarfullt. reitt og örmagna í þessari vitleysisgöngu um heilbrigðiskerfi sem virkar ekki betur en svona.

[Rúna Guðfinnsdóttir, 3.5.2007 kl. 08:50]

Þær eru vinsælar undirskriftirnar, svo kyssast allir, voða hreyknir yfir fína fína pappírnum sem skrifað var á. Svo er bara allt búið því það er nóg að skella fram loforðum en ekkert endilega nauðsynlegt að efna þau. Í mínu þorpi  í Árborg er búið að taka af okkur Matvörubúðina, pósthúsið og Landsbankann af því að hagnaðurinn reyndist ekki nægur.  Ég hefði viljað sjá eitthvað gert í okkar málum frekar en Menningarsamning, því það er allt á kafi í bullandi menningu og listum í þorpinu mínu. Við þarf engan pappír með eiginhandaráritunum.

[Pálmi Gunnarsson, 3.5.2007 kl. 16:54]

Runólfur - næst þegar ég bregð mér suður yfir heiðar

[Ólafur Þórðarson, 3.5.2007 kl. 17:45]

Já kerfið er meingallað þegar ekki eru rædd ruðningsáhrif auglýsingafroðunnar sem flest okkar eru heilaþvegin af. Og þegar ekki eru rædd meginvandamálin, eins og þegar gjonsson.blog.is gefst upp og ákveður að hætta inntöku lyfja vegna kerfisgalla. Bukowski sagði það vera ódýrara að deyja og það er rétt, sparar þjóðarbúinu einhverja aura sem nota má í skattalækkun til braskara.
Mér líst vel á þessa hugmynd að fyrir hverjar kosningar sé farið vel yfir hvaða stjórnmálamaður hefur gert hvað og hverjir ekki, og bæti við að allir fjölmiðlar séu skikkaðir til að fjalla um þetta á faglegannmáta á mestu annatímum umræðunnar. Það gengur ekki að ákveðnir ráðamenn t.a.m. komi Íslendingum á lista yfir stuðningsþjóðir óréttlætanælegrar siðlausrar innrásar inn í Írak, án þess að viðkomandi stjórnmálamenn komi hreint fram og viðurkenni að þeir hafi gert mistök. Í staðinn er þetta eins hjá Wolfowitz sem fær bara voða fína stöðu sem bankastjóri og til fjandans með okkur öll. Ef ekki er talað hreint fyrir dyrum þarf að beita refsingu, rét eins og þarf að reka starfsmann sem hefur gert fyrirtæki sínu og kúnnum slæmann grikk.

Án aðhaldsins erum við Fokkt.

[www.zordis.com, 3.5.2007 kl. 20:05]

Jól einu sinni á ári ... það væri lag fyrir gleymskuna hjá þessu fyrirfólki.

[Rúna Guðfinnsdóttir, 3.5.2007 kl. 21:24]

PS: Ertu búinn að kíkja á gátuna mína?? Ég elska gátur. Pabbi kenndi mér fullt af þessum klassísku vísnagátum, hef ég mjög gaman að leggja þær fyrir fólk.

[Benedikt Halldórsson, 3.5.2007 kl. 22:32]

Ég er frekar óssamála að hafa kosningar oftar en á fjögurra ára fresti, ekki vegna þess að það sé í sjálfu sér vont, heldur hitt sem væri öllu hræðilegra að geta ekki horft á sjónavarpið vikum saman vegna kosningafrétta, kosningaumræðuþátta og daglegra skoðanakannanna, og til að kóróna vitleysuna bera kosningarnar í ár upp á sama dag og Eiríkur Hauksson syngur (kannski) og ég vona að ekki verði klipp á hann í miðju lagi til að hlusta á nýjustu tölur úr Austurbæjarskólanaum. Það er allt í lagi að hafa Eurovision einu sinni á ári.

[Pálmi Gunnarsson, 4.5.2007 kl. 00:07]

Ja mikill er gussi -  ég átta mig á því að ég verð að heiman kosningakvöldið. Fyrir fyrir nokkrum árum gerði ég samning við Pál Óskar um að vera fastagestur hjá honum á NASA í árlegu Júrópartíi stuðboltans. Samningurinn gildir meðan ég get hreyft litlafingur. Ég held að þetta Gleðibankadæmi sé eitthvað það kvikindislegasta karma sem hægt er að hugsa sér.  Hugsið ykkur hvernig var í danstímunum hjá mér og Eika. Rauðhært fólk gránar ekki svo auðveldlega en ég sver að Sóley danskennarinn okkar var komin með gráar yrjur í rauðhausinn eftir nokkra danstíma. En varðandi kosningarnar Benedikt  - auðvitað var ég að spauga með að hafa þær einu sinni á ári, reyndar grafalvarlegt spaug sem ég tek allt til baka. Nær væri að hafa kosningar á 8 ára fresti og breyta fyrirkomulaginu. Það gæti til dæmis gagnast að láta þá sem sækjast eftir að stýra skútunni, fara í gegnum strangt persónuleikapróf til að öðlast réttindi á dallinn. Það fæli í sér allskonar samfélagsþjónusta á lágum eða engum launum, heimahjúkrun, aðstoð við aldraða og kúrsar í siðfræði ásamt því að lifa á lágmarkslaunum í heilt ár svona rétt til að kynnast góðærinu margumtalaða og lofaða. .

[Pálmi Gunnarsson, 4.5.2007 kl. 00:11]

Rúna - flott gáta, alveg mögnuð. Hún kveikti að lokum í mér

[Högni Hilmisson, 4.5.2007 kl. 02:05]

Hvað um Einræðisharra,  með 2 vitringa,  til að vega og meta kosti og galla tiltekins viðfangsefmis.  með 12 ráðgjafa til að leitst við að framfylgja mögulegum loforðum.  24 öldunga með reynslu, þekkingu og hæfni, til að stýra landinu hlutlaust, en virkja hugvit og sköpunargleði á hverjum stað.  Allt þetta í 2 - 12 ár í senn.  erti framistöðu. engin flokkspólitík. Fjölskyldulíf og heildrigt kristið uppeldi, gert að meginmarkmiði, ásamt mentun, með öflugu styrkjakerfi. og svo og svo.  já þetta er flókið mál að tala um. en bíður enhver betur. 

[Rúna Guðfinnsdóttir, 4.5.2007 kl. 08:14]

Góður, verð að segja það.

[Steinunn Helga Sigurðardóttir, 5.5.2007 kl. 14:14]

það eru alltaf jól fyrir kosningar, það vitum við öll, og það þarf að muna þegar maður  er að kjósa, að þetta er lokkumeðal !

Ljós til þín !

Steina

[Eyþór Laxdal Arnalds, 5.5.2007 kl. 22:51]

Plato mælti með upplýstum einvaldi í "Ríkinu"

[Pálmi Gunnarsson, 7.5.2007 kl. 14:02]

Ertu að bjóða þig fram Eyþór ...???

[Loftur (IP-tala skráð) 16.5.2007 kl. 21:32]

Aftur hittir þú naglann á skallann Pálmi, þetta nær ekki nokkurri átt þessi leikur pólitíkusana að okkur. Þeir væru sjálfsagt örlítið meira á tánum ef kjörtímabilið yrði stytt. Maður hreinlega veit oft ekki hvort maður á að hlæja eða gráta, að vitleysunni sem viðgengst í umgengni valdhafanna um heimildir sínar.