VÁÁÁÁÁÁ

Ég las í blaði allra landsmanna að Bubbi Mort stórveiðimaður og kollegi minn hafi veitt "30" punda lax í fyrstu veiðferðinni sinni í Laxá í Aðaldal.  Æðislegt - svoleiðis fiskar hafa ekki veiðst í tugi ára í Laxá og varla nema svona rétt sést,  þannig að VÁÁÁ. Ég hinsvegar er ennþá klórandi mér í hausnum yfir háttalagi stórlaxins sem samkvæmt talsmanni Bubba hafði farið niður fossinn á Núpafossbreiðu, fengið heimþrá og klöngrast aftur upp fossinn, dröslandi slýdræsu með sér. Hinsvegar eiga þeir það til að haga sér einkennilega stórlaxarnir sem við veiðimenn setjum í og missum, það þekki ég vel.

Athugasemdir

[Jenný Anna Baldursdóttir, 22.8.2007 kl. 14:52]

Hahahaha

Takk fyrir skemmtilegt blogg.

[Rúna Guðfinnsdóttir, 22.8.2007 kl. 16:31]

Enginn veit hvað átt hefur fyrr en misst hefur

[Þórbergur Torfason, 22.8.2007 kl. 19:01]

30 pundari er orðið heljar tröll. Meira gaman að eiga við smærri gerðina, tala nú ekki um sjóbirtinginn.

[Hallgrímur Óli Helgason, 22.8.2007 kl. 20:58]

alltaf gaman að veiða í Laxánni, veiddi þarna sem strákur og unglingur eftir að veiðitímabilinu lauk síðsumars,  og einnig í við Knútsstaði og Tjörn.

[Jóhannes Ragnarsson, 22.8.2007 kl. 22:09]

Það er allt orðið svo stórt í sniðum hjá Bubbanum upp á síðkastið. Það kæmi ekki á óvart þó karlinn lýsti því yfir að hann ætli á næstunni að renna fyrir ekki minni fisk en Moby Dick. 

[Jói (IP-tala skráð) 23.8.2007 kl. 07:13]

Bíddu, stóð ekki í fréttinni að hann hafði misst hann??

Eftir að veiða & Sleppa tók við sem nýjasta "trendið" í laxabransanum, eru mælingar á þessum fiskum ekki marktækar að mínu viti, 98cm lax getur verið allt frá 16-23p

Ekki satt pálmi??

[Pálmi Gunnarsson, 23.8.2007 kl. 11:29]

Jú mikil ósköp Jói - mælingar gefa sirka þyngd. Hinsvegar er ég svo vitlaus að gefa lítið fyrir það  hvort fiskur sem ég veiði er gramminu þyngir eða léttari. Ef ég þarf að lyfta einhverju þungu þá fer ég bara í ræktina .. hinsvegar er mér annt um að þessir stofnar séu í lagi - sem er langt í frá staðan í dag.

[Baldvin Esra Einarsson (IP-tala skráð) 23.8.2007 kl. 17:53]

Pálmi, þú verður að fá þér svona talsmann!

[Heiða B. Heiðars, 23.8.2007 kl. 20:12]

Viltu kíkja á mitt blogg og hjálpa til (aftur) ?? Please!!