Smá plögg - Hrund Ósk Árnadóttir á Domo annað kvöld

Hrund Ósk Árnadóttir kom fram á sjónarsviðið fyrir nokkrum árum þegar hún vann með eftirminnilegum hætti söngkeppni framhaldskólanna með flutningi sínum á The Saga of Jenny eftir Kurt Weil. Eftir menntaskólanám tók við nám í Söngskólanum í Reykjavík og tónleikahald á hinum ýmsu jass- og blúshátíðum vítt og breitt um landið. 

Þessi magnaða söngkona heldur tónleika á Domo annað kvöld og vil ég hvetja alla þá sem hafa gaman af góðum blús og jass að mæta. Þeir sem koma fram með henni eru undirritaður á bassa, Agnar Már Magnússon hljómborðsleikari, Kristján Edelstein gítarleikari og Gunnlaugur Briem trommuleikari.   Tónleikarnir hefjast klukkan 9.

 

Athugasemdir

[Óðinn, 26.11.2007 kl. 18:48]

Held barasta að maður verði nú að mæta.

[Steingrímur Helgason, 27.11.2007 kl. 03:03]

& jæja, ég þarf hvort eð er að vera í tjöruborg, hef ekkert annað að gera & Edelstein hefur nú alltaf verið einn minn uppáhalds á gítargígjuna...

[Jón Steinar Ragnarsson, 28.11.2007 kl. 02:10]

Þakka þér hjartanlega vinur fyrir unaðslega skemmtun. Þetta planaði svo vel á köflum að ég þurfti að halda mér í stólinn. Þvílíkur talent þessi stelpa.  Eða á ég að segja stelpuskvetta, því hún var svo einlæg og léttleikandi að performansinn var eins og fersk skvetta úr fjallalind.  Það tók hana hálft lag að hrífa fólkið með sér og ég sá umbreytinguna í stífum andlitum, sem urðu brosandi og ljómandi um leið. Veit varla hvort að það er rétt að tala um talent. Það er takmarkandi. Hún var eitthvað svo þroskaður listamaður. Alger gleðisprauta.

Og mikið djöfull voruð þið strákarnir góðir!  Ég var stundum algerlega agndofa, þegar þið Gulli komust á surf. 

Svo var þetta eitthvað svo léttleikandi og huggó, rétt eins og heima í stofu. Bara partý og gleði.  Hvað eru menn að brölta í trúboði, þegar miðla má kærleika og gleði svo varanlega á sama level og allir hinir eru á? 

Ég gæti sagt miklu meira, en mig skortir orð.  Það er sko ekki lítið að segja í mínu tilfelli, eins og þú kannski veist. Takk, takk, takk...

[Gunnar Helgi Eysteinsson, 29.11.2007 kl. 18:49]

Ég hefði ekki geta skellt mér...