Of kalt fyrir Múhameð

Dubai   - hægur andvari 35° C 

Nú er ég léttur ra ra ra ra ra ra ra... ég er í ofsa stuði je  .. ég var að kíkja á fréttir af ískaldalandinu og var eitthvað nýtt í spilunum? Ónei ekkí, allt við sama, kommúnistar í öllum hornum sem vilja engar framfarir og djöflast í okkur fjármálasnillingunum sem erum alla daga að búa til peninga svo allir hafi það gott. Ég hreinlega skammast mín fyrir hvernig ráðist er á allt þetta góða fólk sem hefur með elju og ústjónarsemi ávaxtað þessar fáu skítakrónur sem eru í umferð. Á einum stað sá ég að Árni  og Árni  hafa ákveðið að ráðast í framkvæmdir við eina gullverkssmiðjuna í viðbót, menn að mínu skapi, taka til hendinni þegar fylla þarf á kisturnar. Og hvað gerist?  Umhverfisgrátkórinn tekur fram mótmælaspjöldin og flatbotnaskóna og byrjar að þramma niður við tjörn. Sá rammfalski kór skal nú fá að syngja bakraddir bak við luktar dyr þegar ég hef tekið við sem er ef ég man rétt einhverntímann rétt bráðum hikk!.  Hey svo er ráðist á hann Bubba vin minn eina ferðina enn ... er ekki í lagi með ykkur. Þarna er stórkostlegur listamaður sem hefur nákvæmlega eins og hann lýsir sjálfur svo vel, endurskrifað tónlistarsögu landsins, er með betri gítarleikurum sem um getur, á flottasta gítarinn, syngur hreinna og betur en nokkur annar tónlistarmaður sem landið hefur alið og er án þess að á nokkurn sé hallað langbesta ljóðskáld sögunnar. Svo ekki sé nú talað um hvað hann boxar vel, er góður sjónvarpsþulur, býr til frábæra sjónvarpsþáttaröð og er góður veiðimaður. Það segir sitt um þennan goðsagnakennda einhyrning íslands að nú þegar hafa verið skrifaðar tvær ævisögur um líf hans og aðrar tvær eru hjá Silju um hvað gerist seinna. Bubbi er fyrir löngu kominn ljósár frá öllu venjulegu fólki, skínandi stjarna á festingunni. Svei ykkur laglausu öfundarseggir, lánlausu rithöfundar og fölsku wannabeesöngvarar. Látið kónginn í friði eða ég set upp hanskana.

Annars er ástæða þess ættarfretur, að ég stelst inná bloggið þitt núna, að láta þig vita að ég hef gefist uppá að koma fyrir þig vitinu. Ég hef bara ekki úthald í að reyna að laga það sem ekki er hægt að laga. Annaðhvort hefur eitthvað mjög alvarlegt gerst þegar hann pabbi þinn var með þig á teikniborðinu eða þá að þú ert eingetinn og að sá sem sá um djobbið hafi verið á einhverju agalegu. Þú verður sem sagt ekki í liðinu þegar ég tek yfir og ekki halda að ég hlífi þér þegar kemur að lokauppgjörinu og lausninni. Þú og kommarnir verðið settir útí kuldann svo hjálpi mér Jahve. Sjúkrahús,dagheimili, elliheimili, sorphirða og fleira skemmtilegt bíður ykkar og ekki láta ykkur detta í hug að einhverjar háskólagráður breyti neinu þar um. Ó nei ... í skítinn skulið þið fara því þar eigið þið heima.

En hey .. ég verð að segja þér eina góða sem segir í leiðinni að leið okkar auðjöfranna er alls ekki alltaf bein leið. Ég ákvað að mæta á aðalfundinn hjá FLgroup og alltílagi með það..  nýji flugmaðurinn minn hann Muhamed S frá Súdan var að fara í sína fyrstu ferð með mér. Hann var nú aðeins óklár á kortið kallinn því hann lenti til að byrja með í Syðri - Straumsfirði á Grænlandi.  Eftir smá bænahjal var stefnan tekin á klakann en í stað þess að lenda í Reykjavík varð Akureyri fyrir valinu á síðustu bensíndropunum. Þegar Muhamed sá allan snjóinn neitaði hann að fara út úr vélinn, skalf allur og nötraði, leitaði að Mekka með áttavita og skellti sér á skeljarnar. Þegar við vorum komnir í loftið tók hann stefnuna  beint heim þar sem hann lenti, hljóp út úr vélinni og hvarf eins og fjandinn væri á hælunum á honum inní næstu Mosku. Þess vegna skrifa ég þér héðan ... ég komst við illan leik til Dubai og er núna að jafna mig í flottu penthous íbúðinni minni með útsýni yfir hafið bláa hafið og bíð eftir nýjum flugmanni. 

 

 

Athugasemdir

[proletariat, 17.3.2008 kl. 00:02]

Góður

[Lára Hanna Einarsdóttir, 17.3.2008 kl. 00:43]

Mikið áttu skemmtilegan frænda, Pálmi! Hann er sko enginn ættarfretur, þessi... 

[Óskar Arnórsson, 17.3.2008 kl. 04:43]

Þú ert alvöru listamaður pálmi! ...enn eins og með alla alvöru listamenn skilur þú bara hluta af gáfum þínum...alvöru listamaður eru ekki fullmeðvitaðir um sína sérgrein ...og þessvegna er hann ekta istamaður, en ráðvilltur og oft einmana..gæti sagt þér miklu meira en veit ekki hvort þú þorir að hlusta á það...enn maður eins og þú ert einn af bjagvættum Íslands..ne það skilur þú þegar þú verður stór..

[Fjarki , 17.3.2008 kl. 11:48]

Váá... Þú ert þvílíkur fjöllistamaður!

Fyrir mig dugði alveg Bassinn og röddin.

Beittur og skemmtilegur húmor, það þarf enga Silju til að skrifa þessa ævisögu:) 

[Högni Jóhann Sigurjónsson, 17.3.2008 kl. 13:43]

Það verður auðvitað að koma í veg fyrir að þessi frændi sé að ráðast inn á síðuna með eiithvart peningabull, sjáiði hvernig fór fyrir krónunni í morgun?

[Guðjón H Finnbogason, 17.3.2008 kl. 19:57]

Þú ert frábær í öllu sem þú gerir einn dag í einu

[Gunnar Helgi Eysteinsson, 17.3.2008 kl. 21:14]

Frábær pistill!

Ég tek undir það sem stendur um hann Bubba "okkar" í þessum pistli.  

[Gunnar Th. Gunnarsson, 18.3.2008 kl. 01:46]

Bubbakaflinn var frábær! hehe

[Óskar Arnórsson, 18.3.2008 kl. 12:24]

Algjör snilldarpistill eins og venjulega! Sammála þér í öllu...

[Linda Linnet Hilmarsdóttir, 20.3.2008 kl. 23:33]

Gleðilega páska elsku vinur

[Heiða Þórðar, 21.3.2008 kl. 11:07]

Frábær pistill sem endranær. Gleðilega páskahátíð til þín og þinna minn kæri bloggvinur.

[Pálmi Gunnarsson, 21.3.2008 kl. 15:22]

hafið það gott um hátíðirnar bloggvinir

[Guðrún Magnea Helgadóttir, 21.3.2008 kl. 15:33]

Eitthvað vekur mig til vitundar að þú sért ekki aðeins flottur söngvari heldur alveg frábært skáld...Þetta hugarfóstur þitt Jóakim frændi ættir þú að skrifa sögu um. Ég held að ef þú skrifaðir samskipti þín og Jóakims í alvöru bók, þá fengi hún metsölu...

[Óskar Arnórsson, 23.3.2008 kl. 20:35]

Gleðilega Páska..

[Jens Guð, 26.3.2008 kl. 02:50]

  Mér varð á að skella upp úr við lestur þessa orðalags:  " Eftir smá bænahjal var stefnan tekin á klakann..."

[Hlynur Hallsson, 26.3.2008 kl. 10:34]

Takk fyrir frábæran pistil Pálmi. Bestu kveðjur,