Einkavæðing einkavæðing einkavæðing - öndin skrifar

Ég vil einkavæða allt og ég er einkavæðir ehf.  Jóakim von Íslandi er best til þess fallinn að halda utan um öll landsins gæði og útdeila síðan af hjartagæsku því sem bera að útdeila til þjóðarinnar. Sjáið til dæmis hversu vel þetta gengur hjá Sádum.. allt svo voða fínt enda ráða kallarnir öllu og liðið hefur það gott. Sádar vinna sjálfir ekkert, lýður er fluttur inn frá nágrannalöndum til að sjá um slíkt. Hvernig haldið þið að það verði þegar ég af góðseminni einni geri landið skattlaust, allt frítt. Þá verður nú gaman að lifa. Þetta munu allar olíuhreinsistöðvarnar sjá um, ásamt tugum stóriðja, smá REI hér og smá OR þar. Þá höfum við fundið olíu og gas og konungsríkið Island orðið að veruleika. Ég græt af gleði inní mér við tilhugsunina. Umsnúningurinn verður dásamlegur. Engir flokkar, engir kommar - eða jafnaðarmennska - bara eitt vald.  Á þessari stundu er ég að fara aðeins yfir hvernig ég ætla að hafa þetta og hverjir fá að stjórna smá með mér. Þeir eru ekki margir. En ég hef augastað á nokkrum. Ég var til dæmis staddur á Akureyri um daginn að hitta Stjána bláa fyrrverandi bæjó á Akureyri. Ég veit ekki hvort nokkur áttar sig á því en þessi snillingur ræður ennþá öllu fyrir norðan þó hann eigi að heita hættur sem bæjarstjóri. Snillingar eins og Stjáni blái hætta ekki þó þeir séu hættir. Það sér þeirra nánasta umhverfi um. Stjáni Júll fær sko djobb hjá mér eins og skot, maður að mínu skapi. Stjáni fattaði það um leið og hann settist í stólinn á sínum tíma að best af öllu var að hafa sem mest af illa áttuðum embættismönnum í kringum sig sem auðvelt væri að fjarstýra og til að láta taka afleiðingunum ef illa færi. Hann fattaði líka að það má ekki láta konum eftir of mikið vald og ef einhverju lifandi manni dettur í hug að hann hafi reddað stólnum fyrir hana þarna Katrínu Jakobsdóttur til að hún fengi að stjórna á Akureyri, þá get ég fullvissað ykkur um að svo er ekki. Hann hefur nú ekki látið reyna á jafnréttismálin í nokkur skipti fyrir dómstólum útaf engu hann Stjáni blái. Verst að hann var alltaf að tapa þeim en það mun ekki gerast þegar ég kemst til valda og fer að deila og drottna.  Stjáni er kominn á lista hjá mér yfir most wanted og trúlega fæ ég honum nýtt ráðuneyti til að annast.  Skipulags- og jafnréttistráðuneytið sem getur tekið á tveimur málaflokkum þar sem Stjáni er á heimavelli. Jæja nóg í bili kæru þegnar nú tekur alvaran við. Þarf að kaupa nokkur bréf og redda smá í kosningasjóð fyrir Stjána.

Athugasemdir

[Guðrún Þóra Hjaltadóttir, 10.7.2008 kl. 23:42]

Verðum við ekki öll að reyna að vingast við þig Jóakim von Islandus ?

Ertu viss um að þessi saga sé ekki stolin úr Íslenska stjórnarkerfinu, segi nú bara svona..

[Linda Linnet Hilmarsdóttir, 11.7.2008 kl. 15:32]

knús knús og bestu óskir um góða helgi elsku Pálmi minn

[Nanna Katrín Kristjánsdóttir, 11.7.2008 kl. 15:53]

Úff ekki ég sko, ef allt snýst um buissness þá erum við í vondum málum.

[Landi, 11.7.2008 kl. 22:44]

Hehe,,mæli með að Jóakim kaupi eina Super puma handa honum Stjána bláa þegar sjóðurinn er orðin gildur,,hann hlýtur þá að taka jobbinu :)

[Kolbrún Stefánsdóttir, 12.7.2008 kl. 00:49]

Skemmtilegur pistill hjá þér. Það er vitað að "fyrrverandi" eru alltaf til vandræða og ekki síst í stjórnun... Sádí það er draumaríkið

[Víðir Benediktsson, 13.7.2008 kl. 22:57]

Æsivindur lotugangur,
löðri siglum hærra blés
Söng í reipum,  sauð á keipum,
sá í grænan vegg til hlés.
Stjáni blái strengdi klóna,
stýrði fyrir Keilisnes.

[Óskar Arnórsson, 13.7.2008 kl. 23:26]

Víðir kapteinn er með þetta í vísnaformi. Gaman að lesa hann stundum. Það á að ráða einn erlendan hagfræðing og setja stjórninna í frí á meðan..