Þegar skipið sökk

Það hafði flotið lengi áfram þetta far,
flotið yfir margar slæmar grynningar,
margir snjallir höfðu stýrt
og það hafði oft verið dýrt
að gera gamla dallinn út.
 
Það var kominn lúmskur leki að lestinni,
lamað allt um borð og lent í rassgati,
í flækju komin nót og blökk,
undiraldan þung og dökk
daginn þegar skipið sökk.
 
Og ég sver að upp í brú
þar stóð enginn stýrið við
stjórnlaust skipið sigldi á hlið.
 
Þeir höfðu stolið öllu ætu úr búrinu,
rottur höfðu flúið burt af skipinu,
skipstjórinn fékk skömm í þökk,
og í sjóinn loks hann stökk
daginn þegar skipið sökk.
 
Þessi sjóferð hafði verið löng og ströng
í óratíma hafði stefnan verið röng
þeir sem flæktu nót og blökk
fengu að taka heljarstökk,
daginn þegar skipið sökk.

Mannakorn  Í ljúfum leik 1985 

Athugasemdir

[Kjartan Pálmarsson, 27.1.2009 kl. 00:43]

Góður  Þessi bragur smell passar inn í umræðuna í dag

[hilmar jónsson, 27.1.2009 kl. 00:47]

Já tek undir það. Sniðinn að atburðum líðandi stundar.

Hver er höfundurinn ?

[Steingrímur Helgason, 27.1.2009 kl. 00:58]

Áratugum rúmum á undan sinni samtíð í textazmíðinni hann Maggi oft.

[Arinbjörn Kúld, 27.1.2009 kl. 00:59]

Mannakorn er uppáhaldið mitt. Hlusta aftur og aftur á bandið.

[Óskar Arnórsson, 27.1.2009 kl. 01:04]

Smellpassar við mattadorspilið á Íslandi!;)

[Landi, 27.1.2009 kl. 01:07]

Snilldar bragur... þessa þyrfti að spila strax á útvarpstöðvum landsins í fyrramálið og fram eftir degi :)

[hilmar jónsson, 27.1.2009 kl. 01:15]

samdi maggi.e textann ?

[Dunni, 27.1.2009 kl. 06:55]

Flottur bragur og á vel við í dag. Ég vildi gjarnan sjá dýralækninn fara helljarstökk.

[Linda Linnet Hilmarsdóttir, 27.1.2009 kl. 08:09]

Þetta lag og þessi texti hefur alltaf verið í uppáhaldi hjá mér á þessari plötu.....knús á þig vinur...:):):)

[Ævar Rafn Kjartansson, 27.1.2009 kl. 10:18]

Frábær pólitísk greining!

[Pálmi Gunnarsson, 27.1.2009 kl. 10:56]

Magnús á þennan texta. Það hefur alltaf verið smá Nostradamus í kallinum.

[Guðrún Una Jónsdóttir, 31.1.2009 kl. 03:56]

Þú tekur nú þetta lag á næsta kastnámskeiði ???