Súrrealískir tangóspilarar

Ég fór á tónleika með Frenandez Fierro 12 manna tangóbandi frá Argentínu sem var eitt af aðalnúmerunum okkar á AIM festival www.aimfestival.is  Ég hafði heyrt í gaurunum áður, séð með þeim myndbönd frá tónleikum og frábæra heimildamynd um hópinn sem sýnd var á RUV ekki fyrir löngu. En allt þetta bliknaði við hlið upplifunarinnar í gær. Þessi hópur ungra tangópönkara fór alveg með mig, því líkur ógnar kraftur og tilfinningahiti. Með stórskemmtilegan söngvara í broddi fylkingar, lék þessi einkennilega útlítandi götustrákahópur, sem hefur markað spor sín í tónlistarheiminn með svo afgerandi hætti, með tilfinningar mínar og annarra tónleikagesta enda átti ekki að sleppa þeim fyrr en í fulla hnefana. Gerist vart betra.

Athugasemdir

[Rúna Guðfinnsdóttir, 3.6.2007 kl. 23:46]

Ég hef séð myndband með þeim og það segi ég satt að ég hefði gefið mikið fyrir stund úr kvöldi til að hlusta og horfa á Þá. Þeir voru stórkostlegir á bandinu og þá get ég rétt ýmindað mér hvernig var að sjá þetta live.

[Vilborg Valgarðsdóttir, 3.6.2007 kl. 23:57]

Sá þá í fréttunum í kvöld og skil hvað þú meinar. Til hamingju með að vera þarna í "heita pottinum"!

ps. þú ert nú ekki svo slæmur sjálfur, ég hef svo sem ekki farið varhluta af gæsahúð af og til þegar þú ert  á sviði

[Jóna Á. Gísladóttir, 5.6.2007 kl. 21:59]

Svei mér þá. Ég öfunda þig og bara alla sem fá svona rosalega mikið út úr tónlist. Ekki misskilja mig, ég á mín móment, svo sannarlega en það er allt svona innan þægindarammans, þ.e. gamalkunnug tónlist og gamalkunnugir listamenn. Allt nýtt dettur óvart upp í hendurnar á mér, ég ber mig ekki eftir því.

[Heiða B. Heiðars, 8.6.2007 kl. 14:47]

Ég er ennþá frekar fúl yfir því að hafa ekki haft tök á að þvælast til Akureyrar yfir þessa tónlistarveisluhelgi....

Bíð samt spennt eftir nýju bloggi

[Heiða Þórðar, 9.6.2007 kl. 00:26]

Bíð jafn spennt og nafna mín eftir nýju bloggi