Jóakim Swami Shri Ravi Andawishu ávarpar þjóð sína

Labrang klaustri Tibet

Hari Khrisna hari hari ... hér sit ég einn á svörtum kletti með fætur í kross og íhuga liðin ár eða það sem ég man af þeim. Ótæpileg öldrykkja býr til þykka þoku eins og þið vitið, en nú er því lokið og himininn heiður og tær. Þið megið vita kæru landar að þar sem ég sit er útsýnið bæði fallegt og friðsælt og einfalt fæðið fer vel í mig, önd mín er frjáls. Frændi heldur að ég sé farinn útí geim og ég leyfi honum að lifa í trúnni. Milli þess sem hann þvælist um á þotunni og dreifir krónum og aurum af einkareikningum mínum til þeirra sem þurfa, sönglum við saman hari hari og förum í langar gönguferðir. Þar sem hann heldur að ég sé grænmeti, lýgur hann mig fullan af sögum um æsku mína og uppvöxt, skírlífi, gjafmildi, alveg grunlaus um að ég er sko með báðar fætur á jörðinni, man allt, harður eins og krúppstál. Hann hefur ekki hugmynd um fartölvuna sem ég hef inná kontór hjá yfir Yfir Dali Lamanum sem ég man aldrei hvað heitir en sá er orðinn sérlegur aðstoðarmaður minn og sér um fjárfestingar í Kína.  Ég hef fylgst vel og vandlega með framvindu mála á Jöklabréfalandi enda málið mér skylt. Aðgerðin „Minkur í hænsnahúsi„ sem ég setti í gang fyrir nokkrum vikum virðist mér virka fullkomlega og ef þið hafið ekki áttað ykkur á því hvað sú aðgerð gengur útá þá er hún sáraeinföld. Dabbi ruglar þingheim og þjóðina einu sinni enn með því að loka Glitnissjoppunni. Að því loknu fer hann í túberingu og Kastljósviðtal og þá er eftirleikurinn er eins auðveldur og hugsast getur. Nú jarmar allur ráðherra og þingmannalýðurinn „Ísland er land þitt, bjargið þeim“  kórinn, meðan ég kaupi hratið á krónu og fimmtíu. Einn Dabba, einn unglingabólu Bjarna, einn Björgólf og einn Baugara þurfti í liðið og sláin inn. Svona taka snillingar málin í sínar hendur og nú sný ég fljótlega heim, uphafinn og endurnærður eftir Himalajagras og innhverfar íhuganir og kem skikk á málin. Ef þið munið ekki gömul loforð sem ég gaf ykkur fyrr á árinu þá verður byrjað á að loka sjoppunni við Austurvöll og öllu sem henni fylgir. Svo verður byrjað á að ræsta út. Ég hef nú þegar ákveðið hver stjórni með mér. Fyrstan og einan mun ég ráða Halldór framsóknarbollu sem ég læt í olíu og virkjanir en þar er hann á heimavelli eins og allir vita. Dóri bolla fær að ráða einn með sér sem ég hef ákveðið að verði Guðni Ágústsson. Hann verður blaðafulltrúi og ríkisskemmtikraftur. Hitt sé ég sjálfur um. Reyndar hef ég uppi hugmyndir um stöðu fyrir frænda þegar og ef hann fæst til að fyrirgefa mér plottið. Menningarmál og fátækraaðstoð mun falla hjá honum. Þar er hann á heimavelli og sá skal nú fá að vinna fyrir kaupinu sínu. Ég mun ekki láta hann hafa of mikið því þá gæti hann misst sig í gjafmildina. Kæru landar ... nú fer ég að pakka og mæta heim í heiðardalinn. Fram með dregilinn því ykkar heittelskaði Jóakim Shri Ravi Andawishu von Islandi, upphafinn og upplýstur er á leið heim að leiða afvegaleidda þjóð inní ljósið.  

 

 

Nú er öndin önnur

Ágætu tilvonandi þegnar ... Það að ekki hefur heyrst í mér allan þenna tíma á sér skýringar, ekki beint eðlilegar, en skýringar engu að síður. Ég skil angist ykkar kæru landar þegar ekkert heyrist í foringjanum og tilvonandi landföður og bið ykkur öll innilega afsökunar á seinaganginum. Svona til að gera langa sögu stutta þá missti ég minnið, fékk skyndihæmer - eða eigum við frekar að segja að ég hafi misst öndina því ég man í smáatriðum allt sem fyrir mig hefur borið liðinn mánuð, ég vissi bara ekki hver ég var, hvaðan ég kom eða hverra manna ég væri. Ég var á leiðinni útá Bessastaði að tilkynna Ólafi um breytingar, ætlaði nú reyndar að bjóða honum væna flís af feitum, því maðurinn er markaðsmaður af guðs náð og svo er hún Dorrit svo flott og rík. Þegar ég beygði inná afleggjarann útá Bessastaði gerðist það. Eitthvað lenti á bílnum mínum og sprengdi hann í tætlur.... eða það fannst mér. Ég missti meðvitund og fann hvernig ég sveif á braut. Þegar ég rankaði við mér var hún Dorrit að strjúka mér um ennið með köldum klút og Óli beið á hliðarlínunni með fullt koníaksstaup. Þessar elskur eru einu manneskjurnar sem ég þekkti á ferðalagi sem tók við í kjölfar sprengingarinnar. Núna þegar ég hef endurheimt öndina, veit ég að maðurinn sem kom í hvítum sloppi að ná í mig,mældi hita og kíkti uppí mig var frændaandskotinn, dulbúinn sem læknir. Hann sagðist heita Sumarliði og bauðst til að vera mér til halds og trausts meðan ég næði mér. Sagði mér að Dorrit hefði hringt í sig. Mér leist ágætlega á drenginn og nú hófst endurhæfingin sem fólst í því að upplýsa mig um ævi mína fram til þessa og gefa mér allkonar bætiefni. Hann sagði mér að ég væri stórefnaður maður sem hefði ákveðið að skila mestu af auðnum til baka til þeirra sem mest þyrftu á því að halda.  Það virkaði vel á mig á þeirri stundu. Hann sagði mér að ég væri skírlífismaður sem hefði aldrei verið við kvenmann kenndur,alger bindindismaður á alla vímugjafa og æti lítið annað en grjón og drykki eingöngu vatn. Þetta virkaði líka vel á mig, þannig lagað. Hann sagði mér að nú færi í hönd mánuður gjafmildinnar. Sagði mér að ég hefði skýrt alla mánuði ársins með upplýstum orðum. Það lá ljóst fyrir; ég var góður maður, einskonar dýrlingur með mikla peninga aflögu sem ég eyddi í góðverk vítt og breytt um hinn hrjáða heim. Eftir að hafa farið nokkuð nákvæmlega í gegnum líf mitt lagði Sumarliði fyrir mig plan gjafmildimánaðarins. Fyrst lá leiðin í munkaklaustur í Tibet en þar átti ég pantaða viku í hugleiðslu hjá Sao Dong yfirmúnk. Sumaliði skildi mig eftir og flaug á þotunni með framlög til bágstaddra í Mongólíu á meðan ég hugleiddi með Sao. Nú veit ég að frændi fór að veiða Taimen og drekka kaplamjólk með Mongólum eftir að hafa eytt milljónum í skóla fyrir fátæka í Ulan Bator. Eftir vikuþögn í lótusstellingum lá leið okkar til Namibíu þar sem ég stofnaði nokkra skóla og opnaði dagheimili fyrir útigangsbörn. Að því búnu var haldið til Indlands þar sem ég lagði miklar fjárhæðir inná þróunarsjóð Himneska Hindúans við hátíðlega athöfn. Fékk rauðan púnkt á ennið og fílaferð inní frumskóginn í kaupbæti. Á meðan fór frændi á þotunni til Rússlands að sinna áfengissjúkum Rússum og koma upp meðferðastofnun í Murmansk fyrir alkóhólista. Núna veit ég að  hann fór  beint niður á skaga að veiða lax þegar búið var að vígja stofnunina. Shit shit - ég skil ekki hvað honum stóð til að misnota sér ástand mitt með þessu móti. Jæja - eftir Indland var ákveðið að fara til Kína til að mótmæla mannréttindabrotum. Þar lenti ég í mótmælastöðu fyrir framan ráðhúsið í Peking og endaði í Kínversku fangelsi. Nú veit ég að á meðan ég stóð með spjald sem á stóð Maó Mannæta og annað sem á stóð Kalli Kínverji kúkaði í sig fyrir framan ráðhúsið var frændi minn, sonur systur minnar, að horfa á alla leikina með íslenska handboltaliðinu. Ég veit það núna að á nákvæmlega sama tíma og ég var leiddur fyrir framan ofsalega reiðan Kínverskan dómara sem sagðist ætla að láta skjóta mig oft fyrir að svívirða Maó og eyðileggja fyrir sér útsendingu frá fimleikakeppni á rá, var frændi að horfa á Íslenska handboltaliðið mala Spánverja. Það var þá sem ég kom til baka, það var þá sem ég áttaði mig á því hver ég var og það var þá sem ég borgaði Kínverska dómaranum milljón dollara fyrir að láta mig lausan. Við enduðum saman að horfa á Kínverska liðið taka gull og fórum svo á fyllerí. En nú er ég hér... öndin önnur og reynslunni ríkar og hundruðum milljónum fátækari. Það eina sem ég er ekki alveg klár á - er Davíð ennþá forsætisráðherra eða er það Halldór eða ... Hari Krishna Hari Rama ha -

 

Einkavæðing einkavæðing einkavæðing - öndin skrifar

Ég vil einkavæða allt og ég er einkavæðir ehf.  Jóakim von Íslandi er best til þess fallinn að halda utan um öll landsins gæði og útdeila síðan af hjartagæsku því sem bera að útdeila til þjóðarinnar. Sjáið til dæmis hversu vel þetta gengur hjá Sádum.. allt svo voða fínt enda ráða kallarnir öllu og liðið hefur það gott. Sádar vinna sjálfir ekkert, lýður er fluttur inn frá nágrannalöndum til að sjá um slíkt. Hvernig haldið þið að það verði þegar ég af góðseminni einni geri landið skattlaust, allt frítt. Þá verður nú gaman að lifa. Þetta munu allar olíuhreinsistöðvarnar sjá um, ásamt tugum stóriðja, smá REI hér og smá OR þar. Þá höfum við fundið olíu og gas og konungsríkið Island orðið að veruleika. Ég græt af gleði inní mér við tilhugsunina. Umsnúningurinn verður dásamlegur. Engir flokkar, engir kommar - eða jafnaðarmennska - bara eitt vald.  Á þessari stundu er ég að fara aðeins yfir hvernig ég ætla að hafa þetta og hverjir fá að stjórna smá með mér. Þeir eru ekki margir. En ég hef augastað á nokkrum. Ég var til dæmis staddur á Akureyri um daginn að hitta Stjána bláa fyrrverandi bæjó á Akureyri. Ég veit ekki hvort nokkur áttar sig á því en þessi snillingur ræður ennþá öllu fyrir norðan þó hann eigi að heita hættur sem bæjarstjóri. Snillingar eins og Stjáni blái hætta ekki þó þeir séu hættir. Það sér þeirra nánasta umhverfi um. Stjáni Júll fær sko djobb hjá mér eins og skot, maður að mínu skapi. Stjáni fattaði það um leið og hann settist í stólinn á sínum tíma að best af öllu var að hafa sem mest af illa áttuðum embættismönnum í kringum sig sem auðvelt væri að fjarstýra og til að láta taka afleiðingunum ef illa færi. Hann fattaði líka að það má ekki láta konum eftir of mikið vald og ef einhverju lifandi manni dettur í hug að hann hafi reddað stólnum fyrir hana þarna Katrínu Jakobsdóttur til að hún fengi að stjórna á Akureyri, þá get ég fullvissað ykkur um að svo er ekki. Hann hefur nú ekki látið reyna á jafnréttismálin í nokkur skipti fyrir dómstólum útaf engu hann Stjáni blái. Verst að hann var alltaf að tapa þeim en það mun ekki gerast þegar ég kemst til valda og fer að deila og drottna.  Stjáni er kominn á lista hjá mér yfir most wanted og trúlega fæ ég honum nýtt ráðuneyti til að annast.  Skipulags- og jafnréttistráðuneytið sem getur tekið á tveimur málaflokkum þar sem Stjáni er á heimavelli. Jæja nóg í bili kæru þegnar nú tekur alvaran við. Þarf að kaupa nokkur bréf og redda smá í kosningasjóð fyrir Stjána.

Ó borg mín borg

Hótel Hilton Reykjavík  28-6-2008

Ágætu tilvonandi þegnar. Nú er ráðlögðu bloggfríi lokið. Eftir Vestmannaeyjasjúderrallið sem fór langt með að ganga frá mér, dreif ég mig í land og hef verið á svítunni á Hilton að ná mér. Skrapp í dítox til Póllands og lét í leiðinni laga aðeins framhliðina. Nú er ég til í slaginn, alveg eins og nýr maður, búinn að ráða flugstjóra, tvo frekar en einn og farinn að taka til hendinni. Ó borg mín borg ra ra ra ra ra ra ra ra ..  Ég hef notað tímann til að íhuga næstu skref um leið og jafnframt verið með athyglina á þjóðmálunum. Ég þoli reyndar illa náttúugemlingana sem vilja stöðva allar framkvæmdir og fara að selja loft og gras enda fá þeir farmiða úr landi aðra leiðina þegar ég tek við. Ekki nema von að illa sé komið fyrir fósturjörðinni þegar gamlir úrsérgengnir hippar fá að vaða upp með allkonar bull um eyðingu náttúruverðmæta og svoleiðis. Ekkert skil ég í henni Björk sem er svo vel gefin og á svo ógurlega mikla peninga að láta svona. „Virkjum virkjum virkjum skerið“  verður eitt af slagorðum hins nýja ríkis Joakims von Islandus og ég get lofaði ykkur hippalingar það verður hamingja í hverjum firði. Fallegar verkssmiðjur munu rísa þar sem koma má því við, olíuskip munu sigla þöndum seglum um rennisléttann vorsjóinn allan ársins hring, færandi gull í rúmgóðar hirslur, gufustrókar munu standa uppúr óteljandi gufuaflsvirkjunum og sérstakt ráðuneyti sem snýr að hönnum slíkra mannvirkja verður stofnað, trúlega fæ ég Össur til að sinna því. Súpersamningur við Nató mun svo búa þannig í haginn fyrir okkur að tveir nýir Natóvellir verða byggðir, annar fyrir norðan hinn fyrir sunnan og margt annað áhugavert verður sett í gang sem býr til seðla. Ég flaug fyrir nokkrum dögum nokkra hringi í kringum eyjuna með fjárfesta frá Rússlandi og Nigeríu, lentum á Akureyri og fórum í Bláa lónið. Áður en þeir fóru heim lét ég þá setja þumalputtana á viljayfirlýsingar um í það minnsta 10 olíuhreinistöðvar vítt og breytt um landið, 2- 4 álver og í það minnsta eina stálverskssmiðu. Milljarða samningar þar á ferðinni og engin ástæða til að hafa áhyggjur af fiskimiðum eða andrúmslofti enda nægur sjór og himinninn heiður. blár og stór. Það má hvort eð er ekki veiða neitt í dag þannig að það er nú ekki mikill skaðinn þó nokkrir olíudropar fari endrum og sinnum í hafið. Ég hef fylgst með umræðunni um Evrópusambandsmálin og ég get upplýst það eins og skot. Þangað förum við aldrei, það er ekkert uppúr því að hafa annað en reglugerðavesen. Í framtíðarlandinu verður ekki mikið um slíkt. Einn maður ræður öllu, deilir og drottnar.  "divide et impera"  Hugsið ykkur kæru landar, breytingarnar sem framundan eru  - eftir nokkra mánuði loka ég Austuvelli og hið nýja Ísland lullar inní tímabil velsældar og framfara. Það eina sem ég hef áhyggjur af núna er andskotans fiflið hann frændi minn sem hringir í mig daglega til að minna mig á ákveðin mál sem ég vil helst ekki að komi fram fyrr en eftir yfirtökuna. En nú þarf ég að skreppa til Zimbabwe að kaupa land og fá mér einn kaldann með Mugga vini mínum.

Jóakim von Islandus - faðir og einræðisherra framtíðarlandsins Íslands

Alveg gjörsamlega ódrepandi

Jæja gott fólk nú er sko hlaupið á snærið hjá mér - ég er kominn útí Heymamameyey, uppá hótel, búinn að koma hita í mig með gufu og nokkrum Fiddum og ég segi ykkur kæru vinir og samlandar. Ekkert fær mér grandað ra ra ra.  Í Surtsey var vistin vond en sem betur fer hafði Muhammi vit á að grípa neyðarblys úr gúmmaranum þegar við fórum í sjóinn og það virkaði for helvete.  Muhammi var rétt búinn að ná nokkrum Allha er mikilll þegar við sáum ljós í sortanum. Voðalega sem þeir eru fljótir til þarna í Vestmannaeyjum. Ég sé að það er búi að skjóta Grím góða útaf kortinu fyrir vestan sem er náttúrulega hið besta mál. Maðurinn er á móti olíunni og við það verður ekki unað. Fólkið mitt á Bollungavík gerði bara nákvæmlega eins og ég lagði til og bingól Málið komið á réttan veg aftur. Við verðum að skilja að til þess að græða milljarða þarf að fórna obbolitlu og hver andskotinn er ómerkilegur skítafjörður sem enginn vill hvorteð er búa í þegar í boði er dýrðin. Ég sé að menn hafa eitthvað verið að hnýta í hugsanlega fjárfesta en almáttugur minn rússarnir eru snillingar þegar kemur að því að búa til peninga. Sjáið þið Pútín  -  einvaldur, ekkert kjaftæði, engar málamiðlanir, engin mótmæli og allt veður í gulli. Svoleiðis verður það þegar ég er búinn að taka við völdum á skerinu, það er þegar ég verð búinn að jafna mig eftir volkið. Annars eru Árni og Geir að koma í heimsókn, við ætlum að rifja upp gamla og góða tíma og taka nokkra slagar - ég veit þú kemur ra ra ra ra.

Ra Ra raað að handan

Er völlur grær ra ra ra - nú er ég  kominn heim, já ég er kominn heim. Nú sitjum við Muhammi við sína hvort hönd meistarans í fallegum hvítum silkikirtlum og förum yfir málin. Það fór eins og ég hélt - gúmmarinn þoldi ekki ágjöfina og sökk. Hér er friður og ró, kannske aðeins of mikil fyrir minn smekk en það má svo sem ekki gleyma því að fyrir stundu var ég að atast í blóðugum viðskiptum og það er nokkuð stórt stökk á milli Cayman og himnaríkis. En hjálpi mér allir, það er bara ekkert að gerast hérna á skýinu og Muhammi steinheldur kjafti sem er nýtt, hann er vanur að röfla bænir í það minnsta  .. ég sé reyndar að hann hefur fengið að halda mottunni . Hey Sússi boy... erþetta svona hérna megin,  um alla eilífð ha -  Sússi svarar mér engu, situr bara og horfir útyfir konungsríki sitt, dreyminn á svipinn, fyrr má nú innhverfast.  En hey, nú sé ég bara allt sem ég vil sjá, sé hvað menn eru að sýsla í kauphöllinni, þessu þyrfti ég að fá einkaleyfi á -  á splittsekúntu svíf ég hvert sem ég óska mér, get laumast í mikilvæg gögn. Innherjadílar fá algerlega nýja merkingu. REI fokkin hvað ... Er völlur grær ra ra ra ra - ég vil fara heim.

Sússi, geturðu ekki vippað einu kraftaverki á dúdinn ... það er þörf fyrir mig á gamla landinu sem er að sökkva í sæ ha... og leyft mér að halda nýju græjunni. Ég verð fljótur að redda málunum fái ég að nota þetta telephatdæmi. Hey Sússi -  vakna maður, taka á með mér. Það er þörf á endurkomu Kimma. 

Djísús Muhammi hvern andskotann ertu að gera þú svarti úlfaldahumpari ...  ojbara... haldiði ekki að hann hafi verið að taka þessa líka opnuna á mér. Mér er til efs að hann hafi reynt hjartahnoðið fyrst, bara stokkið beint á kjaftinn á mér að leynihommast. Nú rek ég hann og fæ mér hvítan flugmann. Hvar í andskotanum erum við ... Allahu Akhbar sjálfur bedúinaskratti... djöfullinn sjálfur - Surtsey neihei.

 

Ra ra ra lífróið

Jóakim von Islandi bloggar frá  gúmmíbát einhversstaðar ...

Það á ekki af mér að ganga.. Múhammi gleymdi að setja bensín á vélina sem liggur nú á sjávarbotni. Það eina sem okkur tókst að taka með okkur í björgunarbátinn var tölvan mín sem ég sendi þetta síðasta ávarp mitt til ykkar kæru tilvonandi þegnar, mottan hans Muhamma og tvær Glenfiddich. Og ástandið í gúmmítuðrunni er ekki gott get ég sagt ykkur. Múhammi lemur hausnum viðstöðulaust í mottuna á milli þess sem hann ælir. Ef ég kemst frá þessu lifandi þá fer ég alvarlega að hugsa um snekkju með íslenskum skipstjóra, það verður að hafa það þó það taki aðeins lengri tíma að skutlast á milli, þetta er ekki ásættanlegur andskoti. En þar sem fyrir mér liggur hvíld í votri og kaldri gröf fer ég yfir líf mitt í snatri. Ég kemst að því að ég hef ekki verið góður strákur, ekki alltaf. Eiginlega aldrei. Trúlega var eitthvað smá í mig spunnið þegar ég var yngri en það er á tæru að aurarnir hans pabba gerðu mig að algerum óþverra.  Í áratug hef ég lítið annað gert en að sólunda peningum um leið og ég hef svínað á náunganum á allan máta, stundað innherjaviðskipti sem fengju Berings strákinn til að fölna af öfund, haldið framhjá konunum mínum sem eru ef ég man rétt sjö talsins, ekki sinnt krökkunum sem ég man ekki hvað eru mörg, svo ekki sé talað um hvernig ég hef drukkið eins og svín og reykt eins og strompur.  Guð hvað ég hef verið vondur. Ekki spurning í hvaða átt ég fer þegar ég sýp sjóinn. Vonandi er þetta samt allt lýgi með steikingu yfir hægum eldi. En andskotinn ég er ekki svona slæmur, ég hef nú stundum látið gott af mér leiða. Til dæmis eru 50000 kínverjar að snyrta fisk á mínum vegum í Xijangoong eða hvað það nú heitir og væru trúlega allir sem einn með grjónaskitu ef ég hefði ekki komið fagnandi frá landinu kalda með ýsu og þorsk til að snyrta og pakka fyrir heimsmarkað. Eða Indverjarnir sem sjá um að sauma fötin fyrir mig. Önnur 50000 stykki þar, allt volaðir aumingjar þar til ég kom til bjargar. Svo má ekki gleyma Malaví og Namibíudæminu sem frændadjöfullinn svindlaði inná mig. Sem var þegar upp var staðið ekki alslæmt því ég fæ alveg voðaleg mikið gúddvill útá hjartagæskuna og það hefur búði í haginn fyrir mig og ýtt undir viðskipti.  Ég er í raun alger gersemi þegar ég skoða það betur, alltaf að bjarga öllum með hjartað utanáliggjandi. Á þessum síðustu stundum lífs míns hlýjar hún mér öllum að innan ásamt Glenfiddanum, vitneskjan um óendanlega góðsemi mína.  Hey hey,  Muhammi sá svarti bedúínadjöfull hefur komist í hinn Glenfiddann og flaskan er tóm. Og ég sem hélt að þeir dræpust frekar en að fá sér dramm.  Nú situr hann í  lotusstellingum á mottunni og syngur hástöfum Allha ho Allha hey.  What the hell -  yfir kaldan ra ra ra -   ..   kæru vinir og samlandar. Nú þegar komið er að lokaandvörpunum hugsið þá hlýtt til mín um leið og þið kaupið hlutabréf í olíuhreinsistöðinni fyrir vestan. 

Kaupa kaupa kaupa

Einhversstaðar yfir miðju Atlantshafi

Ágætu tilvonandi þegnar - hér með tilkynnist að ég Jóakim von Islandi hef tekið þetta blogg hans frænda míns yfir. Það forðar okkur í bili frá öllum kommúnistaávörpum og minnkar aðeins álagið á mér sem er nú ærið fyrir. Undanfarið hef ég þurft að eyða dýrmætum tíma, sem annars hefði farið í að undirbúa krýninguna, í að svara erfiðum spurningum frá viðskiptafélögum sem hafa verið að fá margskonar leiðindi frá kommanum með tölvupóstum og föxum. Eins hefur hann stundað það að taka upp símtöl sem við höfum átt á viðkvæmum augnablikum þegar ég hef verið mjúkur og meyr. Svo hefur hann hótað að senda þau á alla sem ég þekki ef ég standi ekki við eitt og annað sem hann hefur fengið mig til að samþykkja á fyrrnefndum viðkvæmum augnablikum. Það er nú einu sinn þannig með okkur viðskiptajöfrana að við megum helst ekkert aumt sjá og það hefur hann nýtt sér.  Um daginn þegar ég sat útá svölum að virða fyrir mér Persaflóann eða hvað hún heitir dýrðin þarna niðurfrá, fékk ég símtal frá frænda. Alltíeinu fór svo agalega vel á með okkur, hann sagði mér sögur frá gamla landinu og nú bara jákvæður útí allar stjóriðjuframkvæmdirnar, harmaði ástandið á mörkuðum og var ekkert nema simpatíið. Þvílíkur léttir; vinurinn var kominn heim.  Ég fylltist þvílíkri hamingju yfir sinnaskiptunum að þegar hann í lok símtalsins bar upp lítið erindi sem fól í sér fjármögnun á skóla og sjúkrahús í Malaví og annað í Namibíu sagði ég já og amen. Ég var rétt búinn að bland mér einn röndóttann til að fagna upprisu frænda, þegar  hótelstarfsmaður var mættur með fax sem ég þurfti að samþykkja með undirskrift.  Nokkrum dögum seinna kom reikningurinn  ... ég hafði skrifað undir 50 ára samning um rekstur sex 250 manna skóla, tveggja hátæknisjúkrahúsa fyrir 1500 manns og framfærslu 500 fjölskyldna. Og hvað haldið þið svo - hann sendir á mig sjónvarpslið frá einhverri Save the planet stöð til að taka viðtal við manninn með stóra hjartað og digru sjóðina.  Nú rignir yfir mig daglega beiðnum um að bjarga einhverjum andskotanum.  En þetta er reyndar frádráttarbært.  Ra ra ra ...

Annars er ég í góðu skapi þessa dagana, hef grætt á tá og fingri á áli, stáli, olíu og guði og sveiflum á hlutabréfamörkuðum.  Já talandi um guð. Þegar hlutabréf í öllum fyrirtækjunum mínum vaða upp og niður, út og suður,  þá er það gamli góði Jahve sem stendur sig. Núna er ég reyndar að fá mest útúr litlum krossum með með heilögu vatni úr kraftaverkabrunni frá fjallahéraði einu í Albaníu. Einhver fótfúinn datt í brunninn, henti stafnum og fór að tala tungum í beinu framhaldi. Ég ákvað að skoða hvað væri á ferðinni, skrapp á svæðið og brá mér í bað. Viti menn ég fór að röfla einhverja vitleysu sem  reyndist vera forn Armenska og röflið stóð yfir í nokkra dag. Þegar af mér bráði guðsmalinu tók ég til hendinni. Verkssmiðja fór uppí hvelli og nú mala krossarnir gull. Litlir kranar eru á krossunum sem útdeila einum heilagavatnsdropa í senn ef þarf að lækna einhver leiðindi. Mér hefur dottið í hug að útfæra þetta aðeins og setja eitthvað annað en vatn ínní krossinn, til dæmis messuvín en það  bíður betri tíma. Annars á ég fund með Gunna í Krossinum eftir helgi ef Muhammi 4 kemst með mig til Íslands. Er með nokkuð snjalla hugmynd sem tengist vatnskrossinum og tónlist. Sendu nú gullvagninn og allt. Kassi með krossi, gospel og DVD. Fyrir heimsmarkað - HALLILÚLLI.

Áður en ég kveð ykkur má ég til með að segja ykkur hvernig þetta leiðinda flugmannsmál endaði. Alveg einkennilegt hvað ég er óheppinn með þessa stráka. Eins og þið munið þá yfirgaf Muhammi 3 mig í Súdan nánar tiltekið á einhverjum gömlum herflugvelli fyrir utan Khartoum. Í framhaldinu komst ég við illan leik til Dubai. Hélt að það yrði mitt síðasta og þurfti að múta hægri vinstri. Eftir að hafa jafnað mig í nokkra daga flaug ég aftur til Súdan. Vélin var í geymslu hjá Bedúínum sem  tóku að sér að gæta hennar.  Vélin var á sínum stað enda hafði ég lofað úlfaldafólkinu gulli og grænum skógum fyrir pössunina.  Uppí flugturni náði ég sambandi við mann sem sagði mér að ættingi væri á leiðinni frá Nigeríu með farm og væri atvinnulaus. Skömmu síðar lenti gamall Þristur á síðustu dropunum. Um leið og vélin lenti kviknaði í báðum hjólbörðunum. Þristurinn hafði varla stöðvast þega maður með vefjarhatt á hausnum flaug út úr honum með tvær fötur, hljóp eins og andskotinn væri á hælunum hans inní flugstöðina, kom skömmu síðar út á harðahlaupum með föturnar fullar af vatni og náði með snarræði að slökkva eldinn í hjólbörðunum. Hann sagði mér seinna að þetta hefði hann þurft að gera nokkrum sinnum þar sem dekkin voru komin í striga og flugfélagið Súdan express hefði ekki efni á nýjum. Ég réð manninn með það sama, maður að mínu skapi, ráðagóður og með flugmannspróf frá virtum flugskóla í Florida uppá vasann. Ég veit samt ekki alveg hvað ég á að halda núna um þetta skírteini, því mér sýnist eins og vanti bensín á annan tankinn og hinn alvega að verða tómur.

Það veit heldur ekki á gott þegar mottan er komin á gólfið í flugstjórnarklefanum. 

 

Of kalt fyrir Múhameð

Dubai   - hægur andvari 35° C 

Nú er ég léttur ra ra ra ra ra ra ra... ég er í ofsa stuði je  .. ég var að kíkja á fréttir af ískaldalandinu og var eitthvað nýtt í spilunum? Ónei ekkí, allt við sama, kommúnistar í öllum hornum sem vilja engar framfarir og djöflast í okkur fjármálasnillingunum sem erum alla daga að búa til peninga svo allir hafi það gott. Ég hreinlega skammast mín fyrir hvernig ráðist er á allt þetta góða fólk sem hefur með elju og ústjónarsemi ávaxtað þessar fáu skítakrónur sem eru í umferð. Á einum stað sá ég að Árni  og Árni  hafa ákveðið að ráðast í framkvæmdir við eina gullverkssmiðjuna í viðbót, menn að mínu skapi, taka til hendinni þegar fylla þarf á kisturnar. Og hvað gerist?  Umhverfisgrátkórinn tekur fram mótmælaspjöldin og flatbotnaskóna og byrjar að þramma niður við tjörn. Sá rammfalski kór skal nú fá að syngja bakraddir bak við luktar dyr þegar ég hef tekið við sem er ef ég man rétt einhverntímann rétt bráðum hikk!.  Hey svo er ráðist á hann Bubba vin minn eina ferðina enn ... er ekki í lagi með ykkur. Þarna er stórkostlegur listamaður sem hefur nákvæmlega eins og hann lýsir sjálfur svo vel, endurskrifað tónlistarsögu landsins, er með betri gítarleikurum sem um getur, á flottasta gítarinn, syngur hreinna og betur en nokkur annar tónlistarmaður sem landið hefur alið og er án þess að á nokkurn sé hallað langbesta ljóðskáld sögunnar. Svo ekki sé nú talað um hvað hann boxar vel, er góður sjónvarpsþulur, býr til frábæra sjónvarpsþáttaröð og er góður veiðimaður. Það segir sitt um þennan goðsagnakennda einhyrning íslands að nú þegar hafa verið skrifaðar tvær ævisögur um líf hans og aðrar tvær eru hjá Silju um hvað gerist seinna. Bubbi er fyrir löngu kominn ljósár frá öllu venjulegu fólki, skínandi stjarna á festingunni. Svei ykkur laglausu öfundarseggir, lánlausu rithöfundar og fölsku wannabeesöngvarar. Látið kónginn í friði eða ég set upp hanskana.

Annars er ástæða þess ættarfretur, að ég stelst inná bloggið þitt núna, að láta þig vita að ég hef gefist uppá að koma fyrir þig vitinu. Ég hef bara ekki úthald í að reyna að laga það sem ekki er hægt að laga. Annaðhvort hefur eitthvað mjög alvarlegt gerst þegar hann pabbi þinn var með þig á teikniborðinu eða þá að þú ert eingetinn og að sá sem sá um djobbið hafi verið á einhverju agalegu. Þú verður sem sagt ekki í liðinu þegar ég tek yfir og ekki halda að ég hlífi þér þegar kemur að lokauppgjörinu og lausninni. Þú og kommarnir verðið settir útí kuldann svo hjálpi mér Jahve. Sjúkrahús,dagheimili, elliheimili, sorphirða og fleira skemmtilegt bíður ykkar og ekki láta ykkur detta í hug að einhverjar háskólagráður breyti neinu þar um. Ó nei ... í skítinn skulið þið fara því þar eigið þið heima.

En hey .. ég verð að segja þér eina góða sem segir í leiðinni að leið okkar auðjöfranna er alls ekki alltaf bein leið. Ég ákvað að mæta á aðalfundinn hjá FLgroup og alltílagi með það..  nýji flugmaðurinn minn hann Muhamed S frá Súdan var að fara í sína fyrstu ferð með mér. Hann var nú aðeins óklár á kortið kallinn því hann lenti til að byrja með í Syðri - Straumsfirði á Grænlandi.  Eftir smá bænahjal var stefnan tekin á klakann en í stað þess að lenda í Reykjavík varð Akureyri fyrir valinu á síðustu bensíndropunum. Þegar Muhamed sá allan snjóinn neitaði hann að fara út úr vélinn, skalf allur og nötraði, leitaði að Mekka með áttavita og skellti sér á skeljarnar. Þegar við vorum komnir í loftið tók hann stefnuna  beint heim þar sem hann lenti, hljóp út úr vélinni og hvarf eins og fjandinn væri á hælunum á honum inní næstu Mosku. Þess vegna skrifa ég þér héðan ... ég komst við illan leik til Dubai og er núna að jafna mig í flottu penthous íbúðinni minni með útsýni yfir hafið bláa hafið og bíð eftir nýjum flugmanni. 

 

 

RARARA (fyrstu tónarnir í nýjum þjóðsöng)

Í þotunni  á leið til Serbíu 22 febrúar 2008

Kæru þegnar -  ég biðst innilega afsökunar á að loka svona bratt á ykkur í gær en ástæðan var brýn.  Muhammi 1 þjónninn minn frá Súdan missti frænda úr augsýn eitt augnablik og þar með var fuglinn floginn. Nú er ég á leið til Serbíu í nýju Learjet 60 þotunni minni - ný vél, nýr flugstjóri, vonandi stendur hann sig aðeins betur en sá sem ég var með síðast. Trúlega ætlar frændi að hermdaverkast eitthvað í Serbíu vegna úrslitanna í Júróinu og ég geri allt sem ég get til að forða ættinni og heimsbyggðinni frá slíku. Hann var voðalegur fullur ef hann fékk einhverja flugu í hausinn en ég er með það á hreinu að hann er ekkert betri ódrukkinn ef sá gállinn er á honum. En varðandi Júróið þá veðjaði ég nú á tunnuhóið eftir að frændi datt út   -  var tilbúinn með undirritaðan samning og feitt seðlabúnt.  Hinsvegar þekki ég aðeins til Friðriks Ómars og breyti bara hausnum á samningnum og hendi inn nokkrum Bahamasferðum.  Það verður nú ekki amalegt fyrir sveitastrákinn að gera alheimstónlistarsamning við JOAKIM VON ISLANDUS 1. því eitt mitt fyrsta verk þegar ég tek við, verður nefnilega að einræðisvæða allt. Það verður ekkert helvítis vesen í gangi, eitt fyrirtæki í eigu aðaldúdans, púnktur. Ekki vanþörf á að einhver með bein í nefinu taki við mígleku bátskriflinu og hreinsi til í áhöfn. Og enginn er til þess betur fallinn en ykkar einlægur tilvonandi JOAKIM VON ISLANDUS 1. kominn af víkingum hertum í blóði og stáli.  Ef við tökum nú stöðuna í nokkrum örstuttum skrefum þá er hún svona. Landið er á hausnum, andlega og fjárhagslega og allir sjá það nema landinn. Sjallarnir sem hafa nú fram til þessa séð um sína og passað að rétt sé gefið eru farnir að manga við félagshyggjuna með þeim voðalega hætti að nú er mokað út fjármunum til láglaunafólks sem gengur bara alls ekki ef skriflið á að haldast ofansjávar. Eins eru þeir farnir að gefa eftir í stóriðjumálum og það er auðvitað næstum því landráð. Þetta hefur að sjálfsögðu það í för með sér að minna verður til handa þeim sem eiga rétt á miklu og eins sé ég fyrir mér hvernig lýðurinn mun eflast og dafna og skelfilegur snjóboltinn byrjar að rúlla. Þetta mun ég að sjálfsöðu stöðva með einu pennastriki þegar ég tek við. Almennilega rekið fyrirtæki gengur ekki ef lýðurinn tekur völdin, svo mikið er víst. Ég mun sjá til þess að allir viti stöðu sína og ég mun sjá til þess að strákarnir í bönkunum sem nú eru að fá bágt fyrir að standa sig á erfiðum tímum,  fái laun erfiðis síns. Er það nokkur hemja að það skuli vera svo hart að þeim vegið að laun dugnaðarforkanna séu lækkuð, dregið úr framkvæmdum og nauðsynlegum veisluhöldum til að halda ímynd og reisn.  En það er til lausn og hún er fundinn. 

ykkar einlægur

JOAKIM VON ISLANDUS 1. einræðisherra yfir Íslandi, Færeyjum og Grænlandi.